Faith off

ها قررتوا إيه؟

خلونا نبتدي بقى شوفوا مين مستعد يشارك في المسابقة علشان نبتدي.
بس الله يخليكوا بلاش ننام بقى يعني نتفق مين حيشارك في المسابقة، ونقسم الفرق اتنين وكل فريق مين فيه.
ونتفق على الحكم

موافقين؟

صوت بالموافقة

وفكرة فريقين مختلطين عجبتنى


وأقترح للجولة الأولى: فريق عناتيل رجالى ضد فريق رهيف حريمى


مثلاً: أدهم وسمارت وأوسكاسان وهشام .. ضد .. أنيد ومصرية ومواضيع وفريدة

والحكام: الهرم وجاتيتا


لو موافقين .. استعدوا للمبارة بدء من بكرة إن شاء الله (على ما أضبط النت عندى وكده)

ولو انى مش فاهم أوى ..
وجايز أبقى مأخر رجلى شوية لغاية ما أفهم ..

بس انا موافق ..
ابتدوا ..

أنا كمان موافقة
بس مش لاقيين مواضيع
محدش يعرف هي فين؟

يعني مبتديتوش
مواضيع وصلت
حد يبتدي بقى بطرح أول سؤال علشان أنا معنديش أسئلة حاضرة في مخي دلوقتي.

السؤال الأول لفريق الجنس اللطيف:

ـ رتب تتابع الأسر الحاكمة لمصر حسب التتابع الزمنى من الأقدم للأحدث:
الإخشيديين ـ الأمويين ـ الأيوبيين ـ العباسيين ـ الفاطميين ـ الطولونيين ـ العلويين ـ العثمانيين


السؤال الثانى:

ما هى أسماء أبواب القاهرة القديمة؟


السؤال الثالث:

أين يقع قصر الجوهرة؟


السؤال الرابع:

أذكر فرقاً واحداً فقط بين كل من: العقيدة الكاثوليكية والأرثوذوكسية والبروتستانتينية


السؤال الخامس:

أيهما أقدم كعاصمة قديمة لمصر:
منف .. أم .. طيبة؟




أسئلة سهلة ومنعشة وربنا معاكم

هه يالا يا هوانم ردوا وبلاش تاخير الرد فى التاخير هضطر اديكوا انذار اصفر وممكن نخليكوا ايجار جديد

يلا وبلاش دلع ونوم

يعني اتفقتوا تبقى أسئلة في كل المجالات مش دينية بس ماشي الكلام

الأسئلة حلوة ومشوقة يا هشام
طيب الفريق بتاعنا اتفق نتجمع باليل للتداول في الحل ونرد وقتها إن شاء الله
بس ادعوا مواضيع تظهر النهاردة.

إعلان هام:
دفء المشاعر انضمت لفريق البنات.

لو سمحتم اللى يحط الاسئله ..يبعت الاجابه النموذجيه للجنه التحكيم قبل ما نرد
ميحطش الاسئله و خلاص

يا ترى لازم نجاوب الاسئلة كلها مع بعض واللا ممكن اللي تعرف تعرف إجابة سؤال تجاوبه والباقي يجاوب اللي ناقص

انتو بتتكلمو علي ايه
انا مش فاهماكو ليه
محد يهمني

وعايزها تبقى حكم ومعاى اللهم انى صائم

mawadee3 كتب:يا ترى لازم نجاوب الاسئلة كلها مع بعض واللا ممكن اللي تعرف تعرف إجابة سؤال تجاوبه والباقي يجاوب اللي ناقص

يا مواضيع عايزين نتجمع كلنا على الماسينجر ونتفاهم في الإجابات علشان تيجي كلها مع بعض لإنها إجابات فريق
حبعتلك على الخاص علشان نتفاهم.

انتو بتتكلمو علي ايه
انا مش فاهماكو ليه
محد يهمني

يا جاتي دي مسابقة في المعلومات العامة بين فريق الشباب وفريق البنات
وإنتي وهرم حكام
المفترض الفريق اللي حيحط الأسئلة يبعتلك إنتي وهرم الإجابات اللي منتظرها من الفريق التاني علشان تقارنوا الإجابات بتاعت الفريق بالإجابات الصحيحة.

في حاجة كده مش واضحة؟

لو سمحتم اللى يحط الاسئله ..يبعت الاجابه النموذجيه للجنه التحكيم قبل ما نرد
ميحطش الاسئله و خلاص

انيد بتخض من الامتحانات اصلا ..خليها اجابات عشوائية


يا ترى لازم نجاوب الاسئلة كلها مع بعض واللا ممكن اللي تعرف تعرف إجابة سؤال تجاوبه والباقي يجاوب

اللي ناقص

مواضيع ازيك بعتلك رسالة خاصة وحشتينا بصي
انا هرد علي سؤال اكيد اكيد ليا من القائد الاعلي

مصرية مش عارفين اصلا نتقابل فبيتهيالي اللي يعرف يقول

جاتي مع الاجابات يا لذيذة اكيد هتفهمي
وعن نفسي هجاوب عن سؤال منعش وسهل مش عايزة اقول فيه مشاغبة من عدساوي افندي

بس بعون الله هجاوب لازم فريق البنات يقول نحن هنا

أذكر فرقاً واحداً فقط بين كل من: العقيدة الكاثوليكية والأرثوذوكسية والبروتستانتينية


المعمودية عند الارثوذكس بالغطس

عند الكاثوليك بالرش

عند البروتستانت بالروح
واصلا مارتن لوثر لغي الكهنوت لما انشق عن الكاثوليكية

ممكن استعين بالجمهور لو معرفتش ارد بعد كده :#~€:

من عينيه الإثنين يا أنيد حأبعثلهم الإجابات إن شاء الله

أذكر فرقاً واحداً فقط بين كل من: العقيدة الكاثوليكية والأرثوذوكسية والبروتستانتينية


المعمودية عند الارثوذكس بالغطس

عند الكاثوليك بالرش

عند البروتستانت بالروح
واصلا مارتن لوثر لغي الكهنوت لما انشق عن الكاثوليكية

بداية غير موفقة نوهائياً للأفس

السؤال فى العقيدة يا فريدة .. فى العقيــــــــــــــــــــــــــــــدة .. مش فى المناسك


جاتيتا والهرم .. كده خسروا نقطة .. سجلوها عندكم لو سمحتم :xgfd:



مصرية .. ما ينفعش تزودوا عدد الفريق .. كده مش حيكون فيه تكافؤ فرص، وحتغلبونا بشراسة
فين الحكام يقولوا كلمتهم فى الموضوع ده

فريدة

مصرية مش عارفين اصلا نتقابل فبيتهيالي اللي يعرف يقول

فعلا مش عارفين نتقابل، طيب لو كله موافق أنا كمان معاكوا.

هشام

مصرية .. ما ينفعش تزودوا عدد الفريق .. كده مش حيكون فيه تكافؤ فرص، وحتغلبونا بشراسة

مين اللي حيغلبكوا بس يا هشام ده إحنا بقالنا إسبوع في خمس أسئلة عاملين مباحثات قمة.~~~
على العموم الرأي الأخير للحكام.

يا عسلات واضح ولظروف غامضة مش عارفين نتقابل علي الماسنجر شو رأيكم كل واحدة تلاقي إجابة نبعتها لواحدة فينا يكون عندها حب البحث والتحليل وهي تختار الاجابة و تتصدر للخناشير... يعني نبعت الاجابة للمتحدث الرسمي للعسلات وهي
تتصرف... وأنا عن نفسي إخترت مصرية

مصرية .. ما ينفعش تزودوا عدد الفريق .. كده مش حيكون فيه تكافؤ فرص، وحتغلبونا بشراسة

يعني اللهم إني صائمة يعني يا هشام إنت وسمارت وفي حدود معرفتي بيكم انتم فريق معلوماته أكتر منِّينا يبقى هو ده الظلم ده بالاضافة لهرم واسكا والدوك.... الخ الخ إتقي الله ده العسلات غلابة وماشيين جنب الحيط

كده مفهزم تمام

بس محدش بعثلي حاجة

بعد الاستعانة بجوجل والمباحثات:

السؤال الأول لفريق الجنس اللطيف:

ـ رتب تتابع الأسر الحاكمة لمصر حسب التتابع الزمنى من الأقدم للأحدث:
الإخشيديين ـ الأمويين ـ الأيوبيين ـ العباسيين ـ الفاطميين ـ الطولونيين ـ العلويين ـ العثمانيين

الأمويين
االعباسيين
الطولونيين
الإخشيديين
الفاطميين
الأيوبيين
العثمانيين
العلويين

السؤال الثانى:

ما هى أسماء أبواب القاهرة القديمة؟

باب زويلة
باب النصر
باب الفتوح‏
الباب الأخضر
باب البحر
باب التوفيق
الباب الجديد
باب الشعرية
باب البرقية
باب الحسينية
باب الخلق
باب السلسلة
باب الغوري
باب الوزير
باب خان الخليلى
باب الفرج
باب قايتباى

لو في أبواب ناقصة يبقى حتكون موجودة في الكليب ده


كما تم اكتشاف ثلاثة ابواب للقاهرة القديمة (تسمى بالأبواب الوهمية) لم تكن مكتشفة من قبل:

القاهرة 22 فبراير (شينخوا) أعلن المجلس الأعلى للآثار المصرى اكتشاف ثلاثة أبواب حجرية أثرية ترجع لعصر الانتقال الأول (2191-2040 ق.م) فى منطقة إهناسيا المدينة ببنى سويف الواقعة على بعد 120 كيلومترا جنوب القاهرة وذلك أثناء استكمال أعمال التنقيب الأثري التى تقوم بها البعثة الإسبانية التابعة لمتحف الآثار القومي بمدريد.

http://www.asharqalawsat.com/details.asp?section=41&article=462251&feature=1&issueno=10697

السؤال الثالث:

أين يقع قصر الجوهرة؟

يقع قصر الجوهرة فى الطرف الجنوبي الغربي للساحة الملكية أو الحوش السلطاني وكان موضعه أبنية قديمة أيضا ترجع إلى العصر المملوكى وقد ذكر المؤرخ عبد الرحمن الجبرتى فى كتابه " عجائب الآثار " أن الشروع فى بناء هذا القصر كان فى سنة 1227 هـ / 1812م أما الانتهاء منه فقد

تم على مراحل ، فقد اختلفت التواريخ الموقعة على النصوص التأسيسية للقصر فاللوحة الموجودة على باب الدخول مؤرخة بسنة 1228 هـ / 1813م ونصها " يا مفتح الأبواب افتح لنا خير الباب سنة "1228 هـ ""
بينما جاء فى لوحة أخرى تقع على الباب المؤدى إلى بهو الاستقبال الرئيسي تاريخ سنة 1229هـ / 13 - 1814م ونصها " الله ولي التوفيق سنة "1229 هـ " ."

وقد بنى على أنقاض قصور مملوكية قديمة ترجع إلى عصر الملك الأشرف قايتباى والسلطان الغورى وقد خصص القصر مقرا لحكم محمد على باشا ولاستقبالاته الرسمية

السؤال الرابع:

أذكر فرقاً واحداً فقط بين كل من: العقيدة الكاثوليكية والأرثوذوكسية والبروتستانتينية

فريدة حتيجي ترد عليك حالا

أيهما أقدم كعاصمة قديمة لمصر:
منف .. أم .. طيبة؟

فكر الملك مينا في اختيار موقعة يستطيع أن يحكم منها مصر، فقام بانشاء قلعة محاطة بسور أبيض وأسماها (من-نفر) وتعنى الميناء الجميل، والتى أصبحت عاصمة لمصر في عصر الدولة القديمة، ثم أسماها الإغريق بعد ذلك ممفيس، ثم أطلق عليها العرب عند فتح مصر منف.

وكانت مدينة "طيبة" فى أول الأمر منازل منثورة، وقرى متفرقة صغيرة. ولما أصبحت مقراً للفرعون، تجمعت هذه القرى لتصبح مدينة واحدة تشمل المسافة من معبد الأقصر، وحتى معبد الكرنك تقريباً، ويربطهم طريق الكباش بمسافة 3 كم. وانتقلت إلى "طيبة" زعامة البلاد بعد مدينة "منف" فسيطرت على شئون البلاد فى مصر مدة اثنى عشر قرناً من الزمان، بل إنها كانت تدبر مصائر الدول فى العالم القديم وقتها. وقد تم تشييد الكثير من المعابد، وارتفعت مبانيها ومنازلها، وأصبح الإله "آمون" رب الأرباب، وسيد آلهة الدنيا. وكان الملوك يجلسون على العرش باسمه.

انا بعصر مخي اهو يا مصرية
وعمالة اقوللي اعصري مخك ياااااااااااا زينب

خلاص عرفت ممكن اجاوب علي السؤال يا استاذ عدساوي

السؤال الرابع:

أذكر فرقاً واحداً فقط بين كل من: العقيدة الكاثوليكية والأرثوذوكسية والبروتستانتية

الكاثوليكية تؤمن بعقيدة المطهر ؛
اي ان الانسان يقضي فترة من العذاب بعد موته في المطهر وبعدها ينتقل الي النعيم الابدي

الارثوذكس لا يؤمنون بالمطهر

البروتستانت بعض طوائفها لا يؤمنون بسر الكهنوت
بسبب مارتن لوثر

تنفع الاجابة دي ولا تحب سعادتك نشوف غيرها يعني ما وراناش حاجة
دي مسابقة واحنا قاعدين


البروتستانت

الإجابة التالية هى مثال ونموذج حى وصارخ على الغش الجماعى العلنى، وعلى أنه مفيش فايدة فى الجيل الجديد
منها لله الحكومة


وبتعترفى بالغش والنقل بالمسطرة عينى عينك ومن غير تفكير فى اللى بتغيشيه .. حتى فى رمضان !
عليه العوض ومنه العوض

أين يقع قصر الجوهرة؟

يقع قصر الجوهرة فى الطرف الجنوبي الغربي للساحة الملكية أو الحوش السلطاني وكان موضعه أبنية قديمة أيضا ترجع إلى العصر المملوكى وقد ذكر المؤرخ عبد الرحمن الجبرتى فى كتابه " عجائب الآثار " أن الشروع فى بناء هذا القصر كان فى سنة 1227 هـ / 1812م أما الانتهاء منه فقد

تم على مراحل ، فقد اختلفت التواريخ الموقعة على النصوص التأسيسية للقصر فاللوحة الموجودة على باب الدخول مؤرخة بسنة 1228 هـ / 1813م ونصها " يا مفتح الأبواب افتح لنا خير الباب سنة "1228 هـ ""
بينما جاء فى لوحة أخرى تقع على الباب المؤدى إلى بهو الاستقبال الرئيسي تاريخ سنة 1229هـ / 13 - 1814م ونصها " الله ولي التوفيق سنة "1229 هـ " ."

وقد بنى على أنقاض قصور مملوكية قديمة ترجع إلى عصر الملك الأشرف قايتباى والسلطان الغورى وقد خصص القصر مقرا لحكم محمد على باشا ولاستقبالاته الرسمية

حلو .. كلام جميل ... بس يقع فين؟؟ :QQ:
فى مبنى التريد سنتر داخل السرايا الصفرا الهولندية المشتركة الحرة للبنات مثلاً؟؟؟ ~~~


ابقوا بصوا وانتوا بتنقلوا .. الله يخرب بيت الكفرة .. حتفطرونى

أنا ايه اللى بيدخلنى هنا وأنا صايم أصلاً

قصر الجوهرة يقع فى الجهة الجنوبية الغربية من القلعة.

وبعدين حضرتك علقت على إجابة واحدة وسيبت باقي الإجابات.
هل أفهم من كده إن الباقي صح؟ ولا مقريتهوش؟