المنتدى فى حاجة الى تنشيط

أنا برضو بأقول كده

تحياتى

الحقيقة المنتدى فعلا محتاج تنشيط ..
ولازم كلنا نكتب ..

لكن كمان مهم ان نقوم بحملة لتسويق المنتدى ..
أو لجذب مزيد من الأعضاء ..

إزاى ..
معرفش ..

انت عارف ازاي يا سمارت متقول اللي بتفكر فيه و تريح نفسك و تريحنا


هشام لازم نعمل العملية اللي كنا خططتنا

اسال باتمان

أى منتدى بينشط بتواجد اعضاء فيه..
ف لازم نشوف طريقة نجيب بيها أعضاء جدد ..

Smart كتب:أى منتدى بينشط بتواجد اعضاء فيه..
ف لازم نشوف طريقة نجيب بيها أعضاء جدد ..

طب يللاه يا سمارت

ايدك في ايدنا

يا جاتي قولي لسمارت ندور علي اعضاء ازااااااي
واحنا اصلا اعضاءنا تاهوا مننا

وعايزين يمدوا ايدهم قبل غيرهم بال

المنتدى يشتمل على 50 عضو ..
وهو عدد لا بأس به ..

ولكن الذين يتواجدون هم حوالى ثلاثة أو أربعة ..
وعلى الأكثر يكونون حوالى 9 أعضاء ..
وهم الأعضاء المعروفون ..

ولاشك أن تواجد هؤلاء التسعة يكون حسب ظروفهم ..
وأحوالهم الغير مضمونة بكل تأكيد ..

إذن ..
علينا أن نجد وسيلة لتنشيط بقية الأعضاء الخمسون ..
أو استقطاب أعضاء جدد ..

فللعلم ..
آخر عضو سجل كان الأمورة رانيا ..
وقد سجلت يوم 18 مايو ..
أى أننا منذ حوالى شهرين لم يسجل لدينا أى عضو جديد !!

Gatita كتب:

Smart كتب:أى منتدى بينشط بتواجد اعضاء فيه..
ف لازم نشوف طريقة نجيب بيها أعضاء جدد ..

طب يللاه يا سمارت

ايدك في ايدنا

يعنى حتلموهم من على القهوه

بيتهيألى ان احنا الول نبتدى بال 9 و نفكر نكتب ايه و ازاى بدال الخمول العام ده
و بعدين ننادى الاعضاء اللى مش نشطين
و فى الااااااااخر تتكلموا فى موضوع الناس الجداد

يعنى حتلموهم من على القهوه

ولا جايز يا انيد عايز يعزمهم علي شاي في الخمسينة

ازيك يا انيد وحشتينا اين حضورك المميز يا استاذة :#~€:

شوفوا يا صحبة حلوة الحكاية والرواية
النهاردة جالي مهندس يغسلي الكمبيوتر
وطبعا انا مش بسكت تعبت نفسيته وهو بيبرمج
وحكتله علي مصريات واننا حزمة تتعد علي الصوابع

الحقيقة مشكوووووووور شمر عن ساعديه

وعرض بمنتهي الحماس انه ممكن يساعدنا
وكمان يعملنا دعاية لان دي من اختصاصاته

منكن لما يقدم نفسه تمسكوا في زمارة كيبورده
علشان منبقاش لل

حااااااااااااااااضررررررررررررررر..
من عينيا يا فريدة ..

أول ما يوصل سى الباشمهندش ..
ح اكتب له كام مداخلة يطلعوا من نافوخه ..

.....

احنا بدال ما نلم الأعضاء الجدد من ع القهوة ..
أو نعزمهم على شاى فى الخمسينة ..

ممكن كل واحدة فيكم توزع شوية اعلانات فى الاتوبيسات ..

اذا كان احنا مكسلين نكتب ..الاعضاء الجداد حيجوا يعملوا ايه

دوروا الاول على عنصر جذب و بعدين نفكر نجيبهم ازاى

يا شباب انا جديد معاكم خالص بس اول حاجه اكتشفتها هنا في المنتدى (هيه ميزه وعيب ) ان اللي عمل المنتدى سايب html متاحه للجميع وده ممكن يبوظ المنتدى لو حد غاوي يخرب بس الميزه هنا انك تقدر تطور في الشكل والمضمون ده انا حتى اقدر اعدل في مشاركاتي ولا كأني كبير مشرفين في منتدى عادي


وفاضل حاجه كمان
المواضيييييييييييييييييييع
انا لو على الاعضاء ان شاء الله بدل ما احنا عندنا 51 عضو وده قليل جدا لما قريته بجد اتخضيت :l2a:
ان شاء الله حيبقوا 350 عضو في خلال شهروعايز همتكم معايا

بالنسبه لموضوع الHTML
ف دى قصه طوييييييييييييييله ..ممكن تبص عليها فى قصه انشاء المنتدى ملخصها ان ده المفروض كان حاجه مؤقته
بس مع ضيق الوقت شكله حيبقى دائم

بس زى ما انت بتقول ان امكانياته معقوله

ايمون بلاش تفتح عينيهم علي تعديل المشاركات انا اخد المركز الاول في لخبطة الحروف

يعني التعديل ده من اساسيات من مداخلاتي
مش بايدي الحروف بتعاكسني مش انا اللي متسرعة في الكتابة

شكله يا انيد ششششششششكله

بس وماله احنا قااااااااااعدين ومستعدين ولابسين الي علي الحبل
مستنظرين الفرج

ربنا ييسر يا فرى بس على كل الاحوال سواء دائم أو مؤقت
التنشيط للفكر اهم من شكله

شعبى الحبيب

عاش من شافكم

وحمد لله على سلامة وصولك يا أيمون


أما بعد ..


الغالبية منكم عارفين من مدة طويلة أن هذا المنتدى المجانى، هو منتدى مؤقت، تكون بسرعة فى موقع إستضافة مشكور على إستضافته لنا، ونخضع لقوانينه ونظمه التى لا نملك تعديلها، مثل وجود بانر الإعلانات المرفوض من معظمنا، ومثل محدودية تحكمنا فى لوحة التحكم الرئيسية وتصميم شكل المنتدى وخلافه.

الفكرة ببساطة، هى أنه تم من شهر ديسمبر الماضى، حجز موقع ودومين خاصين بنا مدفوعين الأجر .. مستقلين تماماً .. والنية موجودة لحجز وشراء وتأجير المزيد من المساحة الإنترنتية والسوفت ويرز لعمل أفضل ما يمكن لموقع كبير يكون المنتدى الحوارى هو عاموده الأساسى .. ولكن .. ونظراً لعدم تفرغنا ولعدم تخصصنا .. والأهم .. نظراً للرغبة الأساسية فى أن يكون العمل كله بيدنا نحن، أى لنشارك كلنا فى بنائه بأنفسنا، وليس بواسطة شركات خاصة .. ليشعر كل منا أنه فعلاً فى موقعه أو منتداه، وليس ضيفاً عليه .. لهذه الأسباب .. تعطل التنفيذ حتى الآن بكل أسف.

بعض الزملاء الذين تطوعوا لهذا العمل فى البداية، لديهم بيانات الموقع الجديد بالفعل .. ولا أعفى نفسى من مسئولية التأخير لظروفى الخاصة، والتى تعيقنى حتى عن المشاركة اليومية فى المنتدى كمشارك عادى .. لكن لا أعفيهم هم أيضاً عن هذا التأخير، وفى نفس الوقت أعذرهم لإحتمالات ضيق وقتهم أو لظروفهم الخاصة، تماماً كما هو الحال بالنسبة لى.

لذا .. أعتقد .. أنه آن الأوان لمشاركة كل من يرغب فى التطوع سواء فى عمل قواعد البيانات أو فى تصميم الجرافيك، أو فى شراء السوفت ويرز اللازمة، أو فى أى شئ آخر يحتاجه مشروعنا هذا. ليتفضلوا بأن يرسلوا لى على البريد الخاص أو بأى وسيلة إتصال أخرى، لأشرح له أو لها، مزيداً من التفاصيل، ولأعطيه أو أعطيها، كل البيانات المطلوبة للبدء فى العمل.

هذا من ناحية ..

أما من حيث تنشيط المنتدى .. فالروشتة معروفة ومحفوظة من زمان .. وملخصها:
ـ زيادة عدد مشاركتنا فى الموضوعات.
ـ الدعاية للمنتدى عند معارفنا، وفى المواقع التى تسمح بإعلانات لمواقع أخرى.
ـ محاولتنا جميعاً أن تكون موضوعاتنا مميزة بقدر الإمكان .. بما يساعد على لفت نظر الزوار ويشجعهم على التسجيل عندنا والمشاركة معنا .. لأن موضوعاتنا لو كانت مثل موضوعات أى منتدى آخر، فلن يكون هناك أى دافع حقيقى لجذب أعضاء جدد تعودوا على المشاركة فى أماكن أخرى .. مع التأكيد على أننا لا نسعى لأى منافسة من أى نوع مع أى موقع آخر .. فكرة المنافسة هى أبعد ما تكون عن فكرة إنشاءنا لهذا المنتدى .. وإنما الفكرة الحقيقية والصحيحة، هى أننا ننشئ المكان الذى نتواصل فيه بأفكارنا وكلماتنا وخبراتنا، دون النظر لغيرنا سواء كان أفضل أو أسوء منا ..
بالبلدى: إحنا فى حالنا ومالناش دعوة بحد .. وأهلاً ومرحباً بكل عضو وعضوة جدد ينضموا إلينا فى أى وقت.



بالنسبة لموضوع الـ HTML وخاصية تحرير المشاركات .. فنعم هى مفتوحة للجميع، وهذا مُتعمد ومقصود.
صحيح أنه يمثل ثغرة فى النظام الأمنى لأى موقع إنترنتى .. لكن وكما سبق ووضحنا فى أكثر من مناسبة، أننا لا نتعامل بسوء النية، ولا نتعامل مع أطفال غير راشدين، ولا نضع أنفسنا فى موضع المراقبين ولا المسئولين ولا أولياء الأمور للناس .. حاشا لله .. المفترض أن كل المشاركين معنا هم من البالغين، وبالتالى لا يحتاجون لرقباء على أقوالهم وأفعالهم .. أى لا يحتاجون لمشرفين .. لا يوجد عندنا مشرفين .. فلا مانع إذن من إتاحة كل أدوات الكتابة والتعديل لكل الأعضاء .. حتى يثبت تجاوز أحدهم .. فحينئذ ودون سابق إنذار .. يتم التعامل معه بحزم وحسم وصرامة. لأن القاعدة هى أن المتهم برئ حتى تثبت إدانته .. وليس العكس .. ولأن منع بعض الخواص، يعنى عدم ثقتنا فى الناس، وتشكيكنا فى نواياهم مسبقاً، وهو ما يتناقض تماماً مع هذه القاعدة، ومع قناعتنا، ومع ما ننادى به دوماً، وما نشكو منه حتى فى الحياة العملية مع الحكومة ومع رؤساء العمل ومع كل الأنظمة المحيطة بنا فى حياتنا.

مشكلتنا فى بلادنا وفى سلوكياتنا اليومية وفى كل نفس نتنفسه .. هى أزمة الثقة .. بل إنعدامها .. وإن لم نبدأ بأنفسنا ولو فى عمل بسيط كهذا الذى نحن فيه الآن .. فلن نبدأ أبداً ولن نتغير أبداً.
لا يغير الله قوماً حتى يغيروا ما بأنفسهم*

جربوا أن تثقوا فى غيركم، وألا تشككوا فيهم .. ومؤكد .. أن شيئاً ما سيتغير .. للأفضل.

واقعدوا بالعافية

لكن لا أعفيهم هم أيضاً عن هذا التأخير.

المفترى عليه ربنا

aniD كتب:

لكن لا أعفيهم هم أيضاً عن هذا التأخير.

المفترى عليه ربنا

أهلاً أهلاً أهلاً

فينا من نظام ولا تقربوا الصلاة؟؟

ولا أعفى نفسى من مسئولية التأخير لظروفى الخاصة، والتى تعيقنى حتى عن المشاركة اليومية فى المنتدى كمشارك عادى .. لكن لا أعفيهم هم أيضاً عن هذا التأخير، وفى نفس الوقت أعذرهم لإحتمالات ضيق وقتهم أو لظروفهم الخاصة، تماماً كما هو الحال بالنسبة لى.

يالله .. حصل خير

الله عليك يا هشومه يا كبير بس في نقطه ياريت متنساهاش
اولا تاخد باكاب من الداتابيز بتاعتنا مش عايزين مواضيعنا تضيع
ثانيا تقولنا على معاد تقريبي لاستلام الموقع الجديد
اما بالنسبه للتصاميم فانا ححاول اشوف تصاميم للمنتدى بشكله الجديد حوريها للاعضاء اليومين الجايين علشان يختاروا الشكل بنفسهم اللي يحبوه