وصلنا البيان التالي

وصلنا هالايميل بعنوان شد انتباهي وهو :
تسريب خطاب حسني مبارك ليوم 6 ابريل القادم
فنقلته بضمير صاحي ووعي مذهول




يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغـك مخـدر ممشـّي امورك كدة باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلبـّك هتطلع هتنزل هاجيبلك جمال
:#~€:

حلو الخطاب يا مواضيع
وبيلخص الوضع في كام جملة

بس عارفة الجملة دي

يا شعبي اللي نايم وسارح وهايم

حاسة إنها ممكن تتغير
في ظوار بتقول إن الشعب المصري إبتدى يصحى
متأخر أوي
بس ابتدى

وخلينا نشوف حينام تاني ولا خلاص كده :#~€: