مصريات شو

جه الدور على جاتيتا وبعد ما اكلت حجاوبك يعني تخريف مضاعف

ايه رايك في المنتدى؟

اولا انا طول عمري عايش في المنتديات بس اول مره احب منتدى كده صدقيني ده مش زي باقي المنتديات اللي قايمه على المصالح الشخصية ده اقوى ما فيه ترابط اعضاءه

انت زرت كم بلد ؟ و هما ايه ؟ امتى ؟ و ليه .؟ و مع مين؟

عديهم انتي زرت الكويت والعراق والاردن ولفيت مصر محافظه محافظه مع اهلي بس مصر لفيتها لوحدي
بحكم الشغل القديم

انت متجوز؟ عندك اطفال؟؟ لو معندكش لسة تحب تجيب كام؟ بنات و الا اولاد؟؟ و ليه؟ و ايه هي الاسماء اللي تحب تكون عند اولادك؟؟

لا ولو عندك عروسه هاتي ولو خلفت احب اوي يكون عدد الولاد قد عدد البنات يعني واحد وواحد
بحب اسم النزهه واسم عين شمس
بصي في البنات منى و شيرين وساره
في الولاد اغلب الاسماء بحبها بس اكترها مروان

تعرف ترقص؟؟

بتعلم وبحاول

تعرف تشتغل علىMySQL؟

لا بشتغل على SQL.

تحب الملوخية؟؟

تحبها بايه؟؟

بحب الخضار كله والملوخيه بحبها بالفراخ اكتر

ايه هي اكثر حاجة ندمت عليها عملتها في حياتك؟؟

بجد مفيش حاجه اسمها اكتر حاجه بتندم انك عملتها
بس لما بعمل ذنب ببقى متضايق من نفسي

انت برجك ايه؟؟؟

الثور وده حتلاقيه هنا في المنتدى

هل تعرف تعزف على الة موسيقية و ليه بالدات و مين علمك؟؟؟

البيانو علشان لقيته سهل والحمد لله علمت نفسي بنفسي

لو متعرفش تحب تعرف تعزف على ايه وليه و ايه بتعني ليك؟؟

لا حتى لو مكنتش بعرف اعزف على الاورج برده كنت حتمنى اعرف اعزف عليه علشان خفيف على قلبي

ايه هو لونك المفضل؟

الازرق والفحلقي

هل يوما ما لبست كل شراب بلون ؟؟

لا مفتكرش حصل بس افتكر مره كانوا نفس اللون بس مش نفس الشكل كنت لسه صاحي من النوم ومستعجل
وخدتش بالي

لسة فاضل اسئلة

حاضر يا بنتي اصبري عليا شويه مش كده

كان فيه شغل جالي واضطريت اودي ورقة الاجابة ولسه جاي اكمل الاجابه

انت بتستحمى كم مرة في السنة كم مرة في الشهر و كم مرة في الاسبوع و كم مرة في اليوم؟؟؟

4 مرات في الصيف و2 الي 3 في الشتا

انت بتستعمل شامبو ايه؟؟؟

بانتين

عندك قشرة؟؟؟

noooo

اخر مرة كان فيك قمل في الراس كان امتى؟؟؟

و عملت ايه علشان تشيلو او عملولك ايه؟؟

اسئلتك من مصر جدا انتي اكيد اكيد في مصر
عموما اخر مرة دي كانت من اولى ابتدائي اول لما جيت مصر وبعد كده كبرت دماغي
فتعب من المشي فيها مشي

انت بتربي شلب لحية ؟؟؟

عندي شنب ودقن بس زي مهند خفيف خفيف

تفضل الكلاب و الا القطط و ليه؟؟

القطط بحبها جدا بس انا بتقرف جدا من الكلاب

لو و انت جالس و جات نملة طلعت على ايدك حتعمل ايه؟

1- تشيها بلطافة
2-تقتلها
3-تنفخ عليها علشان تطير في الهوا و تبعد

سؤال غريب وكمان فيه اختيارات عموما انا لوشلتها بلطافه حقتلها بريح نفسي واريحها

انت تعرف كم لغات ايه وليه؟؟؟

بعرف انجليزي والماني كفايه كده

حرجع اكمل

تعرف تشتغل باللغات:

JavaScript
html
PHP
shellscript

مقدمات حتى لو كنت عارفهم بنسى كل اللي اخدته طالما مفيش ممارسه عليه

انت خجول ؟؟ امتى؟

اما باتكلم مع الصنف الناعم بس مش على الكمبيوتر علشان على الكمبيوتر انا جرئ جدا

انت بتنام الساعة كام؟؟ و ليه؟؟

مش محدد المواعيد في النوم بس بحاول انام بدري علشان الشغل

انت بتدخن؟

لا طبعا

انت تعرف تعوم؟؟؟

اتعلمت امتى
؟؟؟

و مين علمك

ليه الاحراج ده انا لسه متعلم من 5 سنين بس اني اعرف اعوم بس في مكان يكون ليا فيه طول
بعد كده ممكن اغرق

انت مقتنع بحياتك؟؟؟

الحمد لله تمام الاقتناع بكل شيئ


وحلو التحقيق ده

:-*/+./*-:كل الاسئلة دي كانت مسح زور

هممممم


طيب


نزيدك



اولا انا مش في مصر و لا عمري رحت




ليه بتقول اني في مصر

؟


ايه الحاجة اللي بترعبك؟؟


في حلم حلمته و انت نايم و عمرك ما نسيته احكيه؟

ايه رايك في تاتو؟

نفسك تاكل ايه دلوقتي؟؟

انت تلفونك ماركته ايه؟؟ و ليه اخترت الموديل ده بالدات؟؟؟

لو طلبت منك انك تبعثلي حاجة من مصر حتبعثهالي؟
و الا حتفكر و تقول؟
1- ايه الطمع ده
2- ايه الجراءة دي
3-ما تبعثلي الفلوس الاول
4- ابعثلها علشان ابين الشهامة المصرية


انت عندك حساسية ؟ ايه؟

انت لون شعرك ايه؟؟

انت عندك كم من ضرس مسوس في بقك؟
كم عدلهولك الطبيب و كم لسة مسوس؟؟

انت بتغير فرشاة السنان كل كم وقت؟

لو انت بتاكل برقوقة فتحتها على نص اكلت النص الاول كويس و رحت تاكل النص الثاني لقيت فيه دود, حيكون رد فعلك ايه؟؟؟

انت اخر مرة سرقت فيها كان امتى و ايه و ليه و لمين؟

سيارة احلامك؟؟


ما هو نوع الموسيقى اللي تحب تسمعه؟

ايه الاغنية اللي بتدندن بيها من غير ما تشعر؟

تفضل الصيف و الا الشتا و ليه

و متقلويش لانك في الصيف بتستحمى 3 مرات و في الشتا4؟

انت شرابك مخروم عادة؟؟

لو لقيت خناقة في الشارع حيكون تصرفك ايه؟؟

انت حافظ في راسك كم رقم تلفون و بتاع مين؟؟؟

ما هو حل تدهور الاقتصاد العالمي ؟؟ بالنسبة لك


لو انت مرمي في جزيرة خالية و حتموت من الجوع و مفيش حاجة تتاكل غير: اختر

1لحم كلب
2 لحم سحلية
3لحم فيران
4صراصير بيضة اللون



و انت بتتمشى في الشارع و لقيت محفضة فيها فلوس كثيرة و بطاقة صاحبها حتعمل ايه , علما انك بتمر بمرحلة صعبة اوي و ممعاكش فلوس و محتاجها اوي حتعمل ايه؟؟؟

عندك يومين اجازة حتعمل ايه؟؟

لو مكنتش مصري تحب تكون ايه؟؟؟



يللا جاوب

ايمون حبيبي ابو زومل
انت طلعت مواليد خيطان
طيب مش تقول ياجدع
ناوي ترجع ولا خلاص

هه استعنا على الشقا بالله

ليه بتقول اني في مصر

لأن اسئلتك نوعيتها مفتوحه على القبلي

ايه الحاجة اللي بترعبك؟؟

الكلاب الشرسه

في حلم حلمته و انت نايم و عمرك ما نسيته احكيه؟

مبحلمش الا نادرا وبنسى على طول

ايه رايك في تاتو؟

مين تاتو

نفسك تاكل ايه دلوقتي؟؟

كريم كراميل

انت تلفونك ماركته ايه؟؟ و ليه اخترت الموديل ده بالدات؟؟؟

nokia وهوه اللي اختارني يعني هدية

لو طلبت منك انك تبعثلي حاجة من مصر حتبعثهالي؟
و الا حتفكر و تقول؟
1- ايه الطمع ده
2- ايه الجراءة دي
3-ما تبعثلي الفلوس الاول
4- ابعثلها علشان ابين الشهامة المصرية

من قبل ما اقرا الاختيارات وكنت حقول مفيش مشكله بالنسبه لي في الحاجات دي

انت عندك حساسية ؟ ايه؟

من الصودا والشاي

انت لون شعرك ايه؟؟

اسود لون علم القراصنه

انت عندك كم من ضرس مسوس في بقك؟
كم عدلهولك الطبيب و كم لسة مسوس؟؟

ولا واحد بس انا فيه واحد محشي بتنجان من زماناوي

انت بتغير فرشاة السنان كل كم وقت؟

كل ما بنزل السوبر ماركت والاقي عرض عليها

لو انت بتاكل برقوقة فتحتها على نص اكلت النص الاول كويس و رحت تاكل النص الثاني لقيت فيه دود, حيكون رد فعلك ايه؟؟؟

حرمي النص البايظ

انت اخر مرة سرقت فيها كان امتى و ايه و ليه و لمين؟

مستحيييييييييييل

سيارة احلامك؟؟

جاجوار

ما هو نوع الموسيقى اللي تحب تسمعه؟

الكلاسيكيه بس متعفرتنيش يعني الهادية

ايه الاغنية اللي بتدندن بيها من غير ما تشعر؟

كل يوم بغير الاغنيه

تفضل الصيف و الا الشتا و ليه

الشتا علشان باكل فيه كويس

انت شرابك مخروم عادة؟؟

دي اكتر حاجة بشتريها يعني لما بيتخرم بوزعه

لو لقيت خناقة في الشارع حيكون تصرفك ايه؟؟

الاغلب بسيبها وامشي مش فاضي اتخانق

انت حافظ في راسك كم رقم تلفون و بتاع مين؟؟؟

مش حقدر اعد كتير طبعا بتاع قرايبي واصحابي ومعارفي

ما هو حل تدهور الاقتصاد العالمي ؟؟ بالنسبة لك

ان البنوك تسلف من غير فوايد

لو انت مرمي في جزيرة خالية و حتموت من الجوع و مفيش حاجة تتاكل غير: اختر

1لحم كلب
2 لحم سحلية
3لحم فيران
4صراصير بيضة اللون

2 لحم سحالي بالصلصة

و انت بتتمشى في الشارع و لقيت محفضة فيها فلوس كثيرة و بطاقة صاحبها حتعمل ايه , علما انك بتمر بمرحلة صعبة اوي و ممعاكش فلوس و محتاجها اوي حتعمل ايه؟؟؟

حصلت معايا كتير ورة لقيت المحفظه ومفاتيح عربية واديتهم لصاحبهم عادي

عندك يومين اجازة حتعمل ايه؟؟

حعمل لفة في الاسواق وتاني يوم انام

لو مكنتش مصري تحب تكون ايه؟؟؟

الماني

هاتي يا جاتي
بيب بيب مانشستر يونااااايتد

انا قعدت اكتب اكتب وبعدين بعد ماكتبت وبعتهم ببص النهارده ملئيتش اسئلتى موجوده مين الى شالها

عموما هكتب اسئلة تانية بقى والعوض على الله

من هو ايمن ؟

هل ترى فى ظل الظرف الحالية ان فرصة الشباب فى مصر متاحة للعمل والتقدم والتطوير ؟ ولماذا ؟


ماهى اسباب الازمة الاقتصادية الحالية ؟ ومظاهرها ؟ وطرق علاجها من وجهة نظرك ؟

هل ليدك قدوة ؟ من هو ؟ ولماذا اخترته ؟

ايه سبب حبك لالمانيا ؟

اذا اردت ان تكون شخص اخر غير ايمن فمن تحب ان تجسد شخصيته او ان تتحلى بمثل مايتحلى به من صفات وطباع ؟

اذا اتيح لك فرصة زيارة اى مكان فى العالم لمدة 24 ساعة فقط فاى مكان سوف يقع عليه اختيارك ؟

كنا دايما نسمع ونقول ان الطفل المصرى ذكى جدا جدا ايه رئيك فى الكلام ده ؟ وايه اسباب التدهور الفكرى الموجود حاليا من وجهة نظرك ؟

هل المستقبل يعنى لك الغموض ام يعنى لك وجود امل والسعى الدائم ؟

ماهى اطراف الحرب العالية التالتة اذا كنت تتوقع حدوثها ؟

لو محفظتك راحت وفولسك كلها ضاعت ومفيش موبايل معاك ولا اى وسيلة اتصال باى حد هتعمل ايه وانت فى مكان بعيد جدا عن بيتك او اصحابك هيكون ايه تصرفك ؟

امتى حسيت انك طماع ؟

امتى حسيت بجرح ؟ وايه السبب ؟

عاكسة كام واحده فى حياتك او تحديدا فترة الجامعة ؟

تحبذ الاختلاط بين الرجل والمراة ولا ايه ؟

ايه رد فعلك سواء داخلى او خارجى لما بتشوف بنت ولابسه لبس ملفت جدا جدا ؟

ايه رئيك فى ظاهرة التحرش ؟ اسبابها ؟

اهلاوى ولا زمالكاوى .؟
بتحب نوع ايه فى النضارات و الساعات و العطور والملابس ؟

لو معاك 500 جنيه وعايز تجيب بنطلون وتيشيرت مثلا هتروح تجيب من اديدس وكده ماركه ولا هتجيب من محل المهم يكون كويس عليك ؟

هل فى مره كرهت نفسك فيها ؟؟؟
لو انت فى ميروباص مثلا او مترو وواحده واقفة واتهتمتك انك بتتحرش بيها او كده وانت واقف مقربتش منها هتدافع عن نفسك ازاى ؟؟

ايه رئيك فى القاهرة ؟

تفتكر الجاماعات المصرية دور للعلم ولا للمقابلات الغرامية ولتقضية وقت لطيف مع الشلة بصراحة ؟

لو وانت ماشى وقفك ظابط فى بوكس شرطة وقالك بطاقتك واديتهاله وقالك اركب هتعمل ايه ؟؟ هتقول ايه ؟ هتتصل بمين يخرجك ولا ينجدك ؟

اخر مره دفعت فيها رشوة امتى ؟؟؟
اخر مره استعملت فيها واسطة علشان تخلص اوراق او مصلحة متعطله ؟
لو جالك فرصتين شغل واحده فى المانيا والتانية فى مصر فى المانيا مرتبها كويس معقول مش عالى وفى مصر مرتب كويس وعلى اساس اختيارك هتكمل حياتك كلها فى البلد الى هتختارها ايه هيكون اختيارك وايه السبب ؟

لو جالك عروستين واحده مصرية بنت حلال وواحده المانية الالمانية هتقدر تديك الجنسية هناك وفرصة عمل حلوة جدا . والمصرية كالعاده يعنى مفيش جديد هتكوزن زوجه وام لاولادك وتحافظ عليهم . بصراحة هتختار ايه ؟

هل جالك احساس قبل كده ان فى حيوان حسيت انه ممكن الحيوان ده يكون عنده عقل ومخ بيفكر زينا ؟؟

لو واحد عزمك فى مطعم واستئذن يدخل الحمام ومرجعش وانت معزوم وفجاة ملئيتوش وانت ممعكش فلوس تحاسب وممعكش موبايل ومفيش تليفون تتصل باى حد هتتصرف ازاى ؟؟

لما حد بيثبتك بالكلام وبالطريقة والكلام بتعمل ايه ؟؟؟

كفاية كده تشكيلة حلوة مع ان الى فاتت الى راحت دى كانت احلى بس يلا معلش حظك وحش بقى هعمل ايه

اكيد ليا عوده

اولا انا اقوللك الاسئله رابتاعتك الاولى راحت فين
انت كنت بتكتبها في نفس اللحظه اللي انا كنت بكتب فيها الرد وكنت فاتح صفحتين على نفس الموضوع
اول ما ضغطت اعتمد المشاركه ظهرتلي رساله بتقول ان الهرم ارسل مشاركه
اكمل

من هو ايمن ؟

حرام عليك يا بني مش مكفيك صفحتين اجابات تعريف بنفسي

ل ترى فى ظل الظرف الحالية ان فرصة الشباب فى مصر متاحة للعمل والتقدم والتطوير ؟ ولماذا ؟

دلوقتي بالذات الفرصه اقوى من ذي قبل وانا بيتهيئ لي ان الوقت ده احسن وقت للشباب لأن مصر بالذات مستفيده من الازمه الماليه العالميه

ماهى اسباب الازمة الاقتصادية الحالية ؟ ومظاهرها ؟ وطرق علاجها من وجهة نظرك ؟

سبق وجاوبته صدقني

هل ليدك قدوة ؟ من هو ؟ ولماذا اخترته ؟

وهل تجد قدوة افضل من رسول الله صلى الله عليه وسلم

ايه سبب حبك لالمانيا ؟

علشان بلد منظم جدا ومفيش مجال الا للتقدم

اذا اردت ان تكون شخص اخر غير ايمن فمن تحب ان تجسد شخصيته او ان تتحلى بمثل مايتحلى به من صفات وطباع ؟

مفكرتش بس فيه ناس حواليا كتير تتمنى تكون زيهم

اذا اتيح لك فرصة زيارة اى مكان فى العالم لمدة 24 ساعة فقط فاى مكان سوف يقع عليه اختيارك ؟

امريكا

كنا دايما نسمع ونقول ان الطفل المصرى ذكى جدا جدا ايه رئيك فى الكلام ده ؟ وايه اسباب التدهور الفكرى الموجود حاليا من وجهة نظرك ؟

اخر مسابقة دخلناها اثبتنا فعلا ان الطفل المصري اذكى طفل في العالم بس ظروف التعليم والمعيشه مبتنميش ذكائهم ولا بتطوره

هل المستقبل يعنى لك الغموض ام يعنى لك وجود امل والسعى الدائم ؟

معرفش حاجه اسمها غموض دايما فيه امل في الله

ماهى اطراف الحرب العالية التالتة اذا كنت تتوقع حدوثها ؟

امريكا والصين

لو محفظتك راحت وفولسك كلها ضاعت ومفيش موبايل معاك ولا اى وسيلة اتصال باى حد هتعمل ايه وانت فى مكان بعيد جدا عن بيتك او اصحابك هيكون ايه تصرفك ؟

طالما رجلي شايلاني يبقى حوصل ومش مهم الوقت

امتى حسيت انك طماع ؟

دايما حاسس اني طماع

امتى حسيت بجرح ؟ وايه السبب ؟

واحد صحبي عمل فيا مقلب كبير علشان يخرج نفسه من ورطه

عاكسة كام واحده فى حياتك او تحديدا فترة الجامعة ؟

ولا مره في الجامعه بس فاكر مره في اعدادي وقلتلها الساعه كام علشان اظبط الولاعه

تحبذ الاختلاط بين الرجل والمراة ولا ايه ؟

مش في كل المجالات

ايه رد فعلك سواء داخلى او خارجى لما بتشوف بنت ولابسه لبس ملفت جدا جدا ؟

من كترهم مبقتش فارقه معايا خالص

ايه رئيك فى ظاهرة التحرش ؟ اسبابها

وباء ومرض سببه اهمال التربيه من الاهل

اهلاوى ولا زمالكاوى .؟

معرفش مين بيلعب فيهم غير المشهورين انا اساسا مبشجعش الكوره بس بحب العبها

بتحب نوع ايه فى النضارات و الساعات و العطور والملابس ؟

النضارات مبتفرقش معايا ولا الساعات ولا الملابس المهم يكونوا لايقين عليا بس العطور يعني انا ليا ذوق خاص فيها

لو معاك 500 جنيه وعايز تجيب بنطلون وتيشيرت مثلا هتروح تجيب من اديدس وكده ماركه ولا هتجيب من محل المهم يكون كويس عليك ؟

المهم يكون كويس عليا وبس

هل فى مره كرهت نفسك فيها ؟؟؟

بس بتضايق منها لما بغلط

لو انت فى ميروباص مثلا او مترو وواحده واقفة واتهتمتك انك بتتحرش بيها او كده وانت واقف مقربتش منها هتدافع عن نفسك ازاى ؟؟

حعتبرها مجنونه او متخلفه وحنفضلها اولو لقيت الجو في صالحها حنزل من الاوتوبيس

ايه رئيك فى القاهرة ؟

بقت تخنق وبقت واجهه وحشه للسياحه في مصر

تفتكر الجاماعات المصرية دور للعلم ولا للمقابلات الغرامية ولتقضية وقت لطيف مع الشلة بصراحة ؟

لا هيه معموله لمزاج وراحة الطلاب بس

لو وانت ماشى وقفك ظابط فى بوكس شرطة وقالك بطاقتك واديتهاله وقالك اركب هتعمل ايه ؟؟ هتقول ايه ؟ هتتصل بمين يخرجك ولا ينجدك ؟

اسأل الظابط قوله مين حينجده مني

اخر مره دفعت فيها رشوة امتى ؟؟؟
اخر مره استعملت فيها واسطة علشان تخلص اوراق او مصلحة متعطله ؟

كله كان في المرور والرخصة

لو جالك فرصتين شغل واحده فى المانيا والتانية فى مصر فى المانيا مرتبها كويس معقول مش عالى وفى مصر مرتب كويس وعلى اساس اختيارك هتكمل حياتك كلها فى البلد الى هتختارها ايه هيكون اختيارك وايه السبب ؟

لو المرتبين قريبين من بعض طبعا اقعد في مصر

لو جالك عروستين واحده مصرية بنت حلال وواحده المانية الالمانية هتقدر تديك الجنسية هناك وفرصة عمل حلوة جدا . والمصرية كالعاده يعنى مفيش جديد هتكوزن زوجه وام لاولادك وتحافظ عليهم . بصراحة هتختار ايه ؟

لا بيني وبينك المصرية اكيد حتفهمني اكتر

هل جالك احساس قبل كده ان فى حيوان حسيت انه ممكن الحيوان ده يكون عنده عقل ومخ بيفكر زينا ؟؟

كاشو القط بتاعي بس خرج ولم يعد(غبي)

لو واحد عزمك فى مطعم واستئذن يدخل الحمام ومرجعش وانت معزوم وفجاة ملئيتوش وانت ممعكش فلوس تحاسب وممعكش موبايل ومفيش تليفون تتصل باى حد هتتصرف ازاى ؟؟

حسيب الساعه رهن لحد ما اروح اجيب فلوس

لما حد بيثبتك بالكلام وبالطريقة والكلام بتعمل ايه ؟؟؟

اكيد يا اما حجري لو المجال مفتوح او حضربه لو المجال ضيق

بيب بيب ريال مدرييييييييييييييد

خد عندك دول

هل يحرص اصدقائك على استشارتك في شؤونهم؟

انت فضولى

ايه اكتر حاجه عارف انها عيب فيك و مبتعرفش تداريه

ضاع منك حاجه ثمينه قبل كده

ايه اكتر حاجه اتقالت عليك و بسطتك

ايه اكتر حاجه لم تحس انها موجوده فى حياتك تشكر ربنا

لو مش عايش فى مصر تحب تعيش فين و ليه

بتعتبر اسلوبك فى الحياه مختلف و لا تحب تكون تقليدى

هل يحرص اصدقائك على استشارتك في شؤونهم؟

عرفتي منين

انت فضولى

لا خالص

ايه اكتر حاجه عارف انها عيب فيك و مبتعرفش تداريه

البرود

ضاع منك حاجه ثمينه قبل كده

لا مش فاكر

ايه اكتر حاجه اتقالت عليك و بسطتك

مؤدب مع اني شقي

ايه اكتر حاجه لم تحس انها موجوده فى حياتك تشكر ربنا

انا بحمد ربنا على كل شئ ومقتنع باللي عندي واللي مش عندي

لو مش عايش فى مصر تحب تعيش فين و ليه

جاوبته قبل كده

بتعتبر اسلوبك فى الحياه مختلف و لا تحب تكون تقليدى

كل واحد له نظرته واسلوبه

ايه ياعم الحج ده بقى انا عمال اقول بلاش ايمون تبعنا وزمل برده وبلاش نكتر عليه كل شوى تقولى رديت عليه قبل كده .

وهصدعك تانى يامان

اوقات الجرح بيكون سبب انكسار واوقات بيكون سبب لتغير الانسان واوقات بيكون سبب لزايدة قوة الانسان .
لو سبق وانرجحت كان بعدها ايه شعورك واتغير فيك ايه ؟ ولو محصلش ليك قبل كده اكيلنا على موقف شوفته لشخص او اشخاص انجرحو وايه التغير الى حصل فيهم ؟


ايه معنى الغيره ودورها فى حياتك ؟؟؟

ماهى مظاهر التدين والالتزام بالنسبة لك ؟

ايه الفرق من وجهة نظرك فى مصر فى عهد الملكية ومصر الجمهورية ؟ وايهما تفضل ؟

فى خلال العقد الاخير انهار الجنيه المصرى امام نظائره من العملات الاخرى بماذا تفسر هذا الهبوط ؟ وماهى الحلول التى تراها مناسبة لحل هذه المشكلة وعودة الجينه لسابق عهده ؟

اى رؤساء مصر تفضل ؟

اذا لم تكن قد ولدت فى هذا الحقبة الزمنية فى اى حقبة كنت تتمنى ان تولد ؟

مارئيك فى الدكتور مصطفى محمود بائيجابياته وسلبياته ؟

ماذا تعرف عن ياجوج وماجوج ؟

مالمقصود بكلمة هرمجدون ؟

هل تحب الحياة ؟ ما مظاهر حبك للحياة ؟
يوم فرحك انشالله ناوى تغنى لعروستك اي اغنيه ؟؟

تخيلت منظرك فى الكوشة يوم الفرح ؟ شعورك بيكون ايه ؟

اذا تم استدعائك لاداء الخدمة العسكرية هل ستبحث عن واسطه للخروج ام ستقبل بتجنيدك ؟

هل تعتقد ان الاثار الفرعونية مازالت تشد الجذب السياحى اليها ام اختلف منذور السياحة الحالى واصبح سياحة استرخاء واستجمام ؟


لو انت ماشى بليل والكهربا قطعت فجاة ولئيت كلب بيجرى وراك هتعمل ايه ؟؟؟

فى رئيك ليه انتشرت المخدرات فى الوقت الحالى بصورة بشعه بين كل الشباب فى جميع الطبقات ؟؟
ايه رئيك فى مجموعة البرامج دى ( استار اكاديمى - هزى يانواعم -وغيره من البرامج الى من نفس الشكل ) اغلبها بيتذاع على قناة LBC .

ماهو اثر وجود اسرائيل كدولة معترف بيها على العالم ككل ؟

مارئيك فى سياسة الرئيس مبارك الداخليه والخارجية ؟

كفاية كده ياعم الحج

ايه ياعم الحج ده بقى انا عمال اقول بلاش ايمون تبعنا وزمل برده وبلاش نكتر عليه كل شوى تقولى رديت عليه قبل كده .

وهصدعك تانى يامان

ياباشا براحتك المهم انا حاسس انو انتوا اللي زهقتوا مني وبتقولوا ايه العيل الممل ده عموما انا وراكم وراكم
والصفح كتير

اوقات الجرح بيكون سبب انكسار واوقات بيكون سبب لتغير الانسان واوقات بيكون سبب لزايدة قوة الانسان .
لو سبق وانرجحت كان بعدها ايه شعورك واتغير فيك ايه ؟ ولو محصلش ليك قبل كده اكيلنا على موقف شوفته لشخص او اشخاص انجرحو وايه التغير الى حصل فيهم ؟

سؤال عويص قوي ايه ده ياعم
طيب انا عموما انا مفيش جرح يكسرني بس بيخليني اقوى وباخد بالي بعد كده
انه يكون فيه سبب يكسرني يعني انا فاقد الامل
ححكيلك على موقف هوه مش قوي بس طريف
مره كنا قاعدين انا و اصحابي في الاوضه وبنغني لنانسي عجرم
المهم جارتنا اللي قدامنا كان اسمها نانسي وافتكروا اننا بانعاكسها
فطلعوا يتخانقوا معانا تخيل يا صحبي 2 يضربوا 6 طلعت مصاحب عيال

ايه معنى الغيره ودورها فى حياتك ؟؟؟

ملهاش دور كبير انا مش متهور في موضوع الغيره بس لما تدي الثقه للناس اللي حواليك خليك مطمن احنا في مجتمع شرقي

ماهى مظاهر التدين والالتزام بالنسبة لك ؟

الالتزام بالقيم والاخلاق والمبادئ وبراجع نفسي كل يوم علشان اعرف مصدر الخلل فين

ايه الفرق من وجهة نظرك فى مصر فى عهد الملكية ومصر الجمهورية ؟ وايهما تفضل ؟

بص انا متولدتش في وقتها بس كل اللي سألتهم من الناس الكبار كانوا بيقولوا اول ما الملكيه مشيت
البلد باظت وراح النعيم اللي كنا عايشين فيه وعبد الناصر بوظ النظام الاقتصادي وحسنوا من الناحيه السياسيه
حاجه غريبه انت شايف مين اللي المفروض يتحسن

فى خلال العقد الاخير انهار الجنيه المصرى امام نظائره من العملات الاخرى بماذا تفسر هذا الهبوط ؟ وماهى الحلول التى تراها مناسبة لحل هذه المشكلة وعودة الجينه لسابق عهده ؟

احنا السبب معلمناهوش العوم وعومناه في النيل وبسبب فشل النظام الاستثماري وزيادة الاستيراد
بس متقلقش فيه امل اول ما الروتين اللي عندنا يخلص ويسهلوا للمستثمرين من غير تعقيدات
و20 % ضرايب انا حكون اول مستثمر وابني مصانع تقلل من حجم الاستيراد

اذا لم تكن قد ولدت فى هذا الحقبة الزمنية فى اى حقبة كنت تتمنى ان تولد ؟

ايام محمد علي

مارئيك فى الدكتور مصطفى محمود بائيجابياته وسلبياته ؟

افتكر انه راجل كان دارس وكان بيقول معلومات علميه عن الطبيعه والفضاء مش فاكر غير كده عنه

ماذا تعرف عن ياجوج وماجوج ؟

قبيلتين من اقصى شرق الارض كانوا من المفسدين في البلاد بس ربنا ما يوريك لما ربنا يأذن ويخرجوا حيخربوها اكتر

مالمقصود بكلمة هرمجدون ؟

معرفش معنى الكلمه بس اعرف انها اسم لحرب اخر الزمان

هل تحب الحياة ؟ ما مظاهر حبك للحياة ؟

مين فينا ربنا محطش حب الحياه فيه اقوى حاجه من مظاهر حبي للحياه اني مرمتش نفسي من الشباك
يوم فرحك انشالله ناوى تغنى لعروستك اي اغنيه ؟؟

ياسلام على حبي وحبك وعد ومكتوبلي احبك

تخيلت منظرك فى الكوشة يوم الفرح ؟ شعورك بيكون ايه ؟

ليه السؤال المحرج ده علشان كده مش عاوز اتجوز في مصر عموما هوه منظر طبيعي فيه ورود وناس بيضحكوا على الفاضي وطبعا ححس بالخوف من المجهوووووووووول

اذا تم استدعائك لاداء الخدمة العسكرية هل ستبحث عن واسطه للخروج ام ستقبل بتجنيدك ؟

مضطر اقبل يا معلم ده هما مصيبتين بيحصلولك في حياتك يوم تجنيدك ويوم فرحك قدر لا مفر منه

هل تعتقد ان الاثار الفرعونية مازالت تشد الجذب السياحى اليها ام اختلف منذور السياحة الحالى واصبح سياحة استرخاء واستجمام ؟

يا حبيبي انت فاكر ايه دي سياحه بايظه الناس بييجوا هنا مصر علشان رخيصة دول اللي بييجوا سياح درجه رابعه وكل اللي بييجوا يا اما عواجيز وجايين استجمام زي ما بتقول او شباب بتتعالج نفسيا
علشان يوروهم ان هما احسن حالا من غيرهم

لو انت ماشى بليل والكهربا قطعت فجاة ولئيت كلب بيجرى وراك هتعمل ايه ؟؟؟

حصلت متفكرنيش انا بكره الكلاب جدا جدا جدا طلعت اجري بجنان

فى رئيك ليه انتشرت المخدرات فى الوقت الحالى بصورة بشعه بين كل الشباب فى جميع الطبقات ؟؟

اصل الموزعين شايفين شغلهم كويس والتجار ربنا ياخدهم رخصته على الاخر ومفيش حد فايق يقبض على اي حد

فى رئيك ليه انتشرت المخدرات فى الوقت الحالى بصورة بشعه بين كل الشباب فى جميع الطبقات ؟؟
ايه رئيك فى مجموعة البرامج دى ( استار اكاديمى - هزى يانواعم -وغيره من البرامج الى من نفس الشكل ) اغلبها بيتذاع على قناة LBC .

من كلام صاحب برنامج ستار اكاديمي هوه بيستهدف الشباب للانفتاح الكامل للعالم الغربي ولسه حيعمل برنامج للبنات الحلوين هما الهدف الجاي

ماهو اثر وجود اسرائيل كدولة معترف بيها على العالم ككل ؟

متفرقش في حاجه بالنسبه للعالم حتفرق بالنسبه للعرب ان كل يوم بيعدي بيقلوا في نظر بعض انهم وقفوا يتفرجوا على بعض وهيه بتقوم

مارئيك فى سياسة الرئيس مبارك الداخليه والخارجية ؟

والله الشخص واحد وسياسته واحده بره وجوه هوه احسن واحد يعبر ويتكلم وفاهم وعارف كل حاجه بس تعمل ايه العين بصيره والايد قصيره

وكفايه عليكم كده علشان مزهقكوش قعدوا حد بدالي

وبعد اعلان فترة انتهاء رئاسة ايمون في الشو

جالنا تصويت كتير اننا نستضيف المدلسة الامورة بتاعتنا

فيوليت تصفيق حاااااااااااااااااااااد




يلا استجوبوها وانا هنزل استجوابي برواقة

ana etdabist wala eihhhhhhhhh ??? :3aa:

ايهئ ايهئ ايهئ

انتى وقعتى ولا الهوا الى رماكى

ياختى عليها ياختى عليها جت رجليها جت رجليها ..

يامسهل يارب ابتدينا

استعنا بالله

خدى عندك بقى

كيف تصفين نفسك ؟؟؟ ممنوع الاجابة بصعب ان الانسان يوصف نفسه .


- اكتر حاجة لو شوفتيها بتاثر فيكى سواء بالسلب او الايجاب ايه هيا ؟؟؟

- ايه هيا احس لغات العالم من وجهة نظرك ؟ وايهم اقرب الى قلبك ؟ وايهم تجيدين ؟ وايهم تتمننين ان تتعلميه ؟

- هل الانسان مجموعة من المشاعر والاحاسيس تتحرك داخله لتجعله يقدم على فعل اى شئ ؟ ام الانسان هو عبارة عن مجموعة افكار تنطلق من المخ لتجعله يقوم بعمل ما ؟

- اذكرى 6 من اهم مصادر الدخل القومى فى مصر ؟

- رئيك فى مستوى التعليم فى مصر فى جميع مراحله ؟

- لو تهتى فى اى مره مين اول حد هتفكرى تلجئى ليه وتتصلى بيه انه ينقذك ؟

- بتتخيلى حياتك فى المستقبل شكلها ايه ؟؟؟

- قال تعالى : بسم الله الرحمن الرحيم:
(قال ربى لما حشرتنى أعمى وقد كنت بصيرا قال كذلك أتاتك أياتنا فنسيتها وكذلك اليوم تنسى ) صدق الله العظيم .
فى اى سورة ذكرت هذه الاية ؟ وما مدى تاثير هذه الاية عليكى ؟ ومالمقصود من هذه الاية ؟

- ماهى اقرب ايات القرآن لنفسك وقلبك ؟

- لما انشالله تتجوزى لو جاتلك حما شديدة وصعبة هتتعاملى معاها ازاى ؟؟

- ايه شعورك لما بتشوفى شاب ماشى على موضة لو ويست ومنزل بنطلونه خالص وكده ؟ وايه شعورك لما بتشوفى بنت لابسه لبس ملفت او صارخ وكده ؟ ايه الكلمة الى بتكون جواكى ونفسك تقوليها ليهم ؟؟

- ايه البلد الى نفسك تزوريها ؟؟

- يامسافر وحدك وفايتنى ليه تبعد عنى وتشغلنى ؟
المقطع ده تهديه لمين ؟؟؟

- الرسول عليه الصلاة والسلام اعظم قائد امة فى التاريخ . اذكرى عدة مظاهر من مظاهر القايدة لدى الرسول عليه الصلاة والسلام . واذكرى ايضا بعض من صفات الحكمة لديه . وبعض من ملامح الادارى الناجح .

ايه رئيك فى مصر ؟ ياترى شايفه وضعها فيه امل يتحسن بالمنظر العام ولا هيسوء الوضع اكتر من كده ؟

عموما جاوبى دول وخدى نفسك شوى لحد ماجيبلك الباقى لسا فى الفرن بس يجهزو ويستو واجيبهم جرى على طول .

يا أهلا يا أهلا بفيوليت ..
عندى ليكى شوية أسئلة من اياهم ..

أولا .. ايه السؤال المحرج اللى انتى خايفة ان حد يسألهولك ..
ثانياً .. ايه السؤال اللى نفسك حد يسألهولك ..
ثالثا .. ايه السؤال اللى مش على بالك ان حد يسألهولك ..

ههههههههههههههههههههه اتا هرد علي دول مؤقتا يا سمارت
أولا .. ايه السؤال المحرج اللى انتى خايفة ان حد يسألهولك ..
مدام مش عايزه حد يسالهولي اكيد مش هقوله

ثانياً .. ايه السؤال اللى نفسك حد يسألهولك ..
هو مش نفسي..بس سؤال احب اجاوب عليه ..الهرم سالوا..ازاي توصفي نفسك

ثالثا .. ايه السؤال اللى مش على بالك ان حد يسألهولك ..
السؤال اللي انت سالتوا اكييييييييييددددددد ||3:

فيوليت هنا
إيه الهنا ده يا أهلا يا أهلا

ححضر نفسي وآجي علشان نرحبوا بيكي يا شابة :hugg:

كيف تصفين نفسك ؟؟؟ ممنوع الاجابة بصعب ان الانسان يوصف نفسه .

طموحه..واثقة من نفسي واللي اقدر اعمله...مجتهده..مش اجتماعيق قوي بس لو اضطريت بعرف اتعامل يعني..رومانسية بس في الاخر بحكم عقلي..بفكر في اي حاجه كتيير قوي قبل معملها..هاديه بس زعلي زي الزفت و مش بروق بسرعه
- اكتر حاجة لو شوفتيها بتاثر فيكى سواء بالسلب او الايجاب ايه هيا ؟؟؟
حد بيدور علي حاجه ياكلها من صندوق زباله..واحده ست كبيره في الشارع بتشحت ..حد بيضرب طفل او واحد بيزعق لي واحده معاه في الشارع طبعا بتضايق جدا
ايجابا ..شكل الورد ...بيبي امور..
- ايه هيا احس لغات العالم من وجهة نظرك ؟ وايهم اقرب الى قلبك ؟ وايهم تجيدين ؟ وايهم تتمننين ان تتعلميه ؟
العربي لانها لغة القران ولانها لغتي الاساسيه..بحب الانجليزي جدا و بجيده و اتمني اتعلم فرنساوي بطلاقه زي الانجليزي
- هل الانسان مجموعة من المشاعر والاحاسيس تتحرك داخله لتجعله يقدم على فعل اى شئ ؟ ام الانسان هو عبارة عن مجموعة افكار تنطلق من المخ لتجعله يقوم بعمل ما ؟
الانسان عباره عن مشاعر بتحركه و عقله فلتر بيظبط الاتجاهات اللي رايحين فيها
- اذكرى 6 من اهم مصادر الدخل القومى فى مصر ؟
السياحه..قناة السويس..الغاز الطبيعي و البترول و الباقي السرقه
- رئيك فى مستوى التعليم فى مصر فى جميع مراحله ؟
هو فيه تعليم ؟؟ انا شايفه ان المناهج في المدارس فاشله و الكليات حاجات ز حاجات و في الاخر قدرات الطالب نفسه و استعداده ممكن تعمل حاجات كويسه جدا بالمتاح
- لو تهتى فى اى مره مين اول حد هتفكرى تلجئى ليه وتتصلى بيه انه ينقذك ؟
حالييا بابا بعد كده ان شاء الله جوزي
- بتتخيلى حياتك فى المستقبل شكلها ايه ؟؟؟
بتخيلها برضي ربنا ناجحه في شغلي و مع انسان بحبه و احترمه و الله اعلم
- قال تعالى : بسم الله الرحمن الرحيم:
(قال ربى لما حشرتنى أعمى وقد كنت بصيرا قال كذلك أتاتك أياتنا فنسيتها وكذلك اليوم تنسى ) صدق الله العظيم .
فى اى سورة ذكرت هذه الاية ؟ وما مدى تاثير هذه الاية عليكى ؟ ومالمقصود من هذه الاية ؟
سوره طه..من جوجل جبتها
علي قد ما ممكن اجتهد افتكر هنا مش بصر رؤيه افتكر ليها معني رمزي انه الشخص ده مكنش شايف اللي ربنا ادهوله فيوم القيامه يكون فعلا بقه مش شايف حاجه لانه كان عنده الفرصه في الدنيا و ضيعها
- ماهى اقرب ايات القرآن لنفسك وقلبك ؟
" قل هل ننبأكم بالأخسرين أعمالا * الذين ضل سعيهم فى الحياة الدنيا وهم يحسبون أنهم يحسنون صنعا "
"ومن يتق الله يجعل له مخرجا
وإذا سَأَلَكَ عِبادي عَنِّي فَإَنِّي قَريبٌ أُجَيبُ دَعْوَةَ الدَّاعِ إِذا دَعانِ}}
- لما انشالله تتجوزى لو جاتلك حما شديدة وصعبة هتتعاملى معاها ازاى ؟؟
هحاول اخليها تحبني الاول
- ايه شعورك لما بتشوفى شاب ماشى على موضة لو ويست ومنزل بنطلونه خالص وكده ؟ وايه شعورك لما بتشوفى بنت لابسه لبس ملفت او صارخ وكده ؟ ايه الكلمة الى بتكون جواكى ونفسك تقوليها ليهم ؟؟
بقرف..اقولها او اقله
الله يقرفك..الله يقرفك يا شيخه و الله انتي معندكيش دم ...و لو سمعتني اطلع اجري
- ايه البلد الى نفسك تزوريها ؟؟
انجلترا
- يامسافر وحدك وفايتنى ليه تبعد عنى وتشغلنى ؟
المقطع ده تهديه لمين ؟؟؟
محدش قبل كده كان معايا و سافر..لو فيه اغنيه ياللي هناك و انا هنا ممكن اهديها