مصريات شو

هل تحبي تكوني مختلفه عن الكل والا عادي؟مثال لو عندك فستان حلو قوي ولقيتي حد لابسه تضايقي والا عادي؟
ايه نوعيه اللبس اللي بتلبسيه؟ بنطلونات وتشيرتات او جيبات وبلوزات او فساتين او عبايات او....
وزنك كام وطولك كام؟

ماشفتهمش يا دفء ...ضاعو في الزحمه
مش باحب اكون مختلفه ولو واحده لابسه فستان زي بتاعي مش هاتضايق بس مش هاروح اقف جنبها
بالبس بنطلونات و جيبات وتي شيرتات وبلوزات
وزني و طولي هاقولهم عليهم في رساله خاصه بلاش فضايح :xgfd:

سماااااااارت

في القصر بيكتب... انيد، مصريه، جاتي، هشام، اوسكا، فريده، سيسامي، مشاعر، NTL، دولفين، لارنو ، ودفء و السلاحيف

ايه تصورك لشكل كل واحد ... ازاي تنسي تكتب دفء هه !! ازاي ده حصل

تعال يا حليوة




تحب تجلس على اي كرسي

ده



و الا ده



على العموم ميهمنيش كثير



يللا اختار اللي تحبو و اجلس عليه


يللا نبدأ الاسئلة


انت تعرف ترقص؟\
هل كانو بيضحكو عليك في المدرسة اصحابك و على ايه؟؟
ما هو اسم الفتاة اللي تحبه ؟؟

كم قصة حب عشتها؟

كم قصة حب اثرت فيك؟

تعرف تنضف السمك يعني تشيله مصارينه و كله؟

انت فضولي؟

ما هي النكتة اللي ضحكت من قلبك عليها؟

تعرف تلعب شطرنج؟

لو كانت ليك فرصة تعود الى الماضي اي وقت تعود ايه و ليه من حياتك؟؟

لما بتتفرج في الافلام الدراما او العاطفية هل تنزل الدكعة من عينك ؟؟

هل انت حساس؟

ايه الحاجة اللي يقدر يعملها صديقك علشان يقطع صلته بك و تكرهه و ترفض تشوفه و لا تتكلم معاه من جديد؟؟


انت بتلعب بحواجبك؟؟

لو اتعرفت على بنت و عشقتها و حبيتها حب ملوش نهاية و لا حجم و في الاخر اكتشفت ان ديانتها غير ديانتك حتغمل ايه؟؟

انت ليك شراب مخروم؟؟

لونهايه"؟

لما بتسمع اغنية ماما زمانها جاية..بتغني مع الاغنية و بتحس ايه.؟؟؟

في القصر بيكتب... انيد، مصريه، جاتي، هشام، اوسكا، فريده، سيسامي، مشاعر، NTL، دولفين، لارنو ، ودفء و السلاحيف
ايه تصورك لشكل كل واحد ...

تصدقى سؤال صعب ..
ونظام كروتة بقى .. كلهم شكلهم حلو وجميل ..

أيه أول انطباع الناس بتاخده عنك

انى هادئ .. مع انى مش كدة خالص ..
انا زى ما تقولى كدة .. بركان هادئ مستعد للانفجار ..

بتحب تسمع أيه

بحب أسمع عبد الحليم .. فيروز .. ماجدة الرومى .. أنغام .. وLara Fabian

كثيرا ما تسمع من الناس أن هناك عدو أكبر للسعادة فما هو برأيك ؟
أ‌- عدم النضوج الفكري
ب‌- عدم القناعة و الرضى
ت‌- الغيرة و الحسد

عدم القناعة والرضا بكل تأكيد ..

يا ريت رأى مختصر فى الاتى: الغربه الحب الاول الفشل النجاح مصر الديمقراطيه

الغربة .. معرفتهاش إلا لما دقتها .. ولو انى مادقتهاش أوى يعنى ..
الحب الأول .. فى زماننا دا .. الحب الأول شئ مؤلم جداً ومش بحبه ..
الفشل .. مابيفرقش معايا لكن مش بحب انى اكون فاشل فى نظر الناس ..
النجاح .. بيزيدنى طموح ..
مصر .. خسارة بجد ..
الديمقراطية .. طريق النهضة بس لو تطبق كما فى الكتب ..

لما مصر توحشك ..تتخيل مكان و لا اشخاص لو مكان فين لو اشخاص مين

اتخيل تمشيتى وقت المغرب فى شارع شبرا لوحدى ..
واتخيل مكالماتى التلفونية مع الاصدقاء بعد عودتى من عملى كل مساء ..

تلقيت إتصالا عاجلا من طائرة توشك أن تقع
الطائرة تحوي 5 ركاب ومظلة إنقاذ وحيدة
الجو مشحون بالخوف والترقب.. كل الركاب يطلبون مساعدتك كي تختار من يستحق النجاة منهم
هذه إستغاثاتهم :

الآن و بعد أن سمعت نداءتهم وإستغاثاتهم.. من تمنح طوق النجاة الوحيد.. ؟؟؟؟؟؟؟

مش ح اقدر افكر امنح مين الطوق ..
لأنى مش ح احب اتحمل مسئولية وفاة شخص ..
وح اعطيهم الطوق .. وعليهم أن يتفقوا ..

لكن لو كان فيه حيوان معاهم ..
فأكيد أكيد .. ح ارمى الطوق للحيوان وأكون سعيد جدا ..
لأنى فوق كل شئ لا احتمل موت حيوان أو تألمه ..

عبر بكلمه واحده عن كل كلمه من الكلمات التاليه ...النيل- البحر- القمر- المقابر- الزرع - الام

النيل .. الصفاء ..
البحر .. الشجن ..
القمر .. التأمل ..
المقابر .. الموت ..
الزرع .. الحياة ..
الأم .. الأكل ..

كانت ايه احلامك من 5 سنين ؟؟ وحققت منها ايه لحد النهارده ..

كنت بحلم وأنا صغير أطلع دكتور .. وماطلعتش ..
دخلت تجارة وقلت أبقى احضر ماجستير ودكتوراه وابقى حاجة كبيرة فى الكلية .. ومافلحتش ..
اشتغلت مصمم جرافيك .. وحلمت انى اكون صاحب وكالة دعاية واعلان .. ومحصلش ..
هوايتى أكتب واقرأ .. وحلمت انى اكون صاحب دار نشر .. وبرضه ماتحققتش ..

والآن ..
بحلم انى اكسب مليون دولار من الهوا وابقى غنى .. وأدينى مستنى ..

لو اتيحت لك فرصه ان تكون مكان احد الوزراء، اي وزير تختار و ايه اول قرار تصدره ؟

وزير للإعلام ..
واغير برامج التليفزيون .. واطورها ..

في مقوله بتقول ... "خير لنا ان نحب فنخفق من ان لا نحب ابدا" تعليقك !!
ومقوله اخري بتقول "يضاعف الحب من رقه الرجل و يضعف من رقه المرأه " ايه رأيك ؟؟

بالمناسبه .. المقوله الاولي لتشيسون والثانيه لجارلسون

فعلا خير لنا أن نحب فنخفق من أن لا نحب أبداً ..
لأن عدم الحب يميت الاحساس وهو يعنى أننا لم نعد أحياء .. وهذا شئ مقيت!

وفعلا .. الحب يضاعف من رقة الرجل ويضعف من رقة المرأة ..
وياريت تدلينى على تلك المرأة التى تتضاعف رقتها بعد الحب عشان مافرطش فيها ..

شكرا للاشواك ...علمتني الكثير .... ايه الموقف الي شكرت فيه الاشواك

كنت ماشى فى موضوع خطوبة ..
ومشيت فى غيط أشواك .. وكان الموضوع بيفشل بالتدريج ..
والمشاكل تتوالى .. وكنت حزين على فشل الموضوع .. وعلى المشاكل ..
لكن الآن .. انا سعيد بغيط الأشواك .. وكل ما افتكره .. اشكر ربنا عليه ..

وفيه غيط أشواك تانى طبعا ..
هو شغلى .. ففى كل شغل كان هناك مشاكل وتوترات .. لكنها كانت أشواك علمتنى ..
فقد اكتسبت الخبرات تلو الخبرات .. واصبحت الآن متمكن فى مهنتى .. ودا شئ يسعدنى جدا ..

مين مثلك الاعلي ... وهل انت مثل أعلي لغيرك ؟؟

لا يوجد لى مثل أعلى .. بكل تواضع أقول طبعا ..
ولا أحب أن يكون لى مثل أعلى ..

ولكنى أتأثر بشخص فى موقف ما ..
ولى فى كل موقف مثل أعلى مختلف ..

لكن شخص بعينه فلا يوجد .. ولا احب أن يوجد أصلا ..

من هو أفضل زعيم مصري في رأيك؟ ولماذا؟
هل مصر قبل الثورة أفضل في رأيك أم بعدها؟ ولماذا؟

افضل زعيم مصرى .. سعد زغلول ..
لأنه الزعيم المصرى الذى أدار قضية تحرير مصر بأسلوب متحضر وسليم ..
وفى عهده عاشت مصر عصر التنوير ..

ومصر أفضل قبل الثورة ..
لأنه كان هناك حراك سياسى .. والناس مهتمة بالسياسة والأحزاب نشيطة ..
والرقى كان موجود ..

صحيح كان فيه اقطاع .. لكن فيه رقى وأخلاق وثقافة ..
بعكس الآن حيث اصبح الاقطاع موجود مع دنو فى الأخلاق والذوق العام ..

هل تحب عملك؟ لماذا؟

احب عملى جدا .. وبأروح الشغل مبسوط ..
لأنه جميل انك تتعاملى مع الألوان والخيال .. وأن يكون من صميم شغلك انك تفتحى الانترنت والمسنجر وتشاتى مع الخلق .. ومحدش يقدر يقولك تلت التلاتة كام ..

ما رأيك في أمريكا؟ من ناحية:
الشعب
حرية التعبير
العنصرية
السياسة الداخلية
السياسة الخارجية

أمريكا حلوة ..
الشعب .. طيب جدا وسطحى جدا .. وساذج لدرجة ان الميديا ممكن تضحك عليه وتمشيه زى ما هو عاوز .. لكن يبقى الشعب انه طيب ومحب للشعوب الأخرى ..
حرية التعبير .. هى أجمل ما فى هذا البلد .. فالحرية هى أساس الحياة هنا .. وتقدرى تقولى أن امريكا عبارة عن مجموعة دول عايشة مع بعض تحت لواء العلم الأمريكى ..
العنصرية .. موجودة وغير موجودة .. وتختلف باختلاف الاشخاص وطباعهم ..
السياسة الداخلية .. ادعيلنا لاحسن البنزين بقى غالى أوى اليومين دول ..
السياسة الخارجية ..امريكا مفترية .. لكن هو دا طبع القوة الأولى فى العالم دائما على مر التاريخ ..

كيف تنظر للمرأة؟
ما هي صفات فتاة أحلامك؟

الحقيقة كنت زمان بأقول المرأة كائن ملائكى ..
لكن دلوقتى مش شايف ملايكة يعنى ..

من كتر ما شفت وسمعت ..
بقيت قريب من رأى توفيق الحكيم فى المرأة ..

اما صفات فتاة احلامى ..
فهى أن تكون لها لمسة فنية فى كل اسلوب حياتها .. فى الملبس والماكياج والتصرف ..
ان تكون مثقفة .. وذات شخصية ..
وأن تكون جميلة .. على الأقل فى عينى ..
والأهم .. أن تحبنى جدا ..

مغرور معلش أنا ..

....


بكرة بقى أجاوب على أسئلة جاتى ..
لاحسن اسئلتها محتاجة يوم لوحده .. :QQ:

جاوب لان عندي اسءلة تانبة

مجموعه مش فاكرة كام من اصل 70 اجـبـــاري

اسئله خفيفه

معظم لبسك فورمال ولا كاجوال ؟
ايه البلد الي نفسك تروحها ؟
الطماطمايه فيها كام بذرة ؟؟
تفتكر مين الاول البيضه و لا الفرخه ؟
اكتب جمله تتقرا من اليمين للشمال زي من الشمال لليمين
ايه اكثر نوع فاكهه بتحبه ؟

حبه جد

الحقيقة كنت زمان بأقول المرأة كائن ملائكى ..
لكن دلوقتى مش شايف ملايكة يعنى ..

ليه ؟؟؟
ايه اكثرصفه بتكرهها في الرجال و في السيدات ؟
الحب اعمي ... صح و غلط وليه
موقف حصلك وانت صغير زعلت اوي من نفسك انك اتصرفت كده
انت بتعتذر بكلمه "اسف" ولا بتصلح الغلط وتتعامل بطريقه شيك من غير ماتقول اسف ؟
انت ليه اتأخرت في الرد علي الاسئله يوم ؟

فيه سؤال مهم
كام صوبع محشى فى فدان الكرنب

aniD كتب:فيه سؤال مهم
كام صوبع محشى فى فدان الكرنب

يخرب عقلك بتجيبي الكلام ده منين
دي يادوب تعرف عدد صوابع ايديها ورجليها
على اساس الباديكير وكده

سؤال في المكرر ده اعتقد سمارت لازم يستعين بالجمهور

هو فين سمارت انا لسة عندي ليه اسئلة

دي يادوب تعرف عدد صوابع ايديها ورجليها
على اساس الباديكير وكده

دي مين يا اوسكا ؟!!
احنا بنسأل سمارت
انت مش هاتسأله ولا ايه ؟؟

انا فاكر انك لسه قاعدة على الكرسي
معلش ياسمروته جت فيك

معلش يا اوسكا بقي
واضح ان الزنننننننننن خلاك مش مركز خااالص :xgfd:

:3aa:

سماااااااااااااااارت
:humer: مافيناش مش كده
دي كده كروته
وبعدين جاتي لسه عندها اسئله و اكيد اتش هايظهر في يوم من الايام و يسألك و فري كمان هاتخلص العزال و تيجي تسألك ...
انت فين

سمارت باشا انت فين ..الجماهير مستنيه

راح للحلاق وجاي

المفروض المذيعه تعتذر..ان الفنان بيعمل نيو لوك

اعزائنا المشاهدين احنا بنحاول نصحي المذيعة
نامت علي الكرسي في انتظار الضيف

اصله طلب نعمل انتراكت علشان يعملنا لوك
فانتاستيك ..من باب الاب توديت
في الجزء التاني من الحلقة
فيه اشاعة بتقول انه حلق زي مارادونا
واشاعة تانية بتقول انه بقيت راسه متقسمة لميادين وطرق
زي اللاعب المصري زيزو

بمناسبة الكرة ضيفنا العزيز
لما بتلعب ماتش كورة في الشارع اللي ورا البيت مع زملاءك
بتتخيل نفسك متقمس اي لاعب كرة
وياتري تخيلت نفسك يوم لاعب كرة في فريق؟

ومع سؤال اخر لضيف البرنامج اللي استاذن يلبس برنيطة

يغطي الناحية اليمين احسن تستهوي ولا حاجة من الايركونديشن اللي في اللوكشن :xgfd:

-سمارت افندي اكيد قريت لكاتبنا واديبنا العالمي نجيب محفوظ
عايزينك تقول تاملاتك عن بعض العبارت
التي قيلت علي لسان ابطال رواياته

- وفي عبارة ساخرة قال عن الزواج:
لماذا يصر الناس علي الزواج منذ بدء الخليقة ؟
لان الزواج كالموت ..لا ينفع معه التحذير ولا الحذر
..بين القصرين..

وفي اصداء السيرة الذاتية
قال الشيخ عبد ربه التائه:
مع شهيق الكون وزفيره تهيم جميع المسرات والالام..

سئل الشيخ عبد ربه التائه:
هل تحزن الحياة علي احد؟
فاجاب : نعم..اذا كان من عشاقها المخلصين ،

وهل تعتقد ان نجيب محفوظ اد ما حب الحياة الحياة فعلا حزنت علي فراقه؟

معلش يا لفندي اسئلة المشاهدين والمعجبين لا تنقطع
بتجيلنا مع حمامنا الزاجل

فيه سؤال بيقول :

ياتري لما بتكون واضح مع نفسك ده بيوضح الرؤية وبيساعدك تتفهم الاخرين؟

وياتري بتعمل تدريبات لتقبل عيوب الاخرين؟

سؤال بالفاكس الزاجل لسة واصل :

عايزين نعرف تامل الباشمهندس في هذه المقولة:

الحياة تتعثر ..ولكنها لا تتوقف

ومكالمة من بنوتة صغننة طلبت انه يشرحلها العبارة دي

الانسان ينظر الي العين اما الله فينظر الي القلب

وبتقوله ليه يا اونكل
الناس بتقفل قلبها عن الناس

وختاما بنسال ضيفنا العزيز مع مقولة بتقول
النساء اربعة انواع
امراة جميلة ..وهذه تعجب الرجل
وامراةذكية ..وهذه تلهم الرجل
وامراة فاتنة ..وهذه تاسر الرجل
وامراة طيبة ..وهذه تتزوج الرجل

ومع اغنية عبد الوهاب
يا زهرة في خيالي

ما هي مواصفات هذه الزهرة اللي تتمنها وتكون نصك الحلو في المستقبل

واخيرا وليس اخرا في انتظار الضيف لفندي الباشمهندس
شوية تسالي اعزائنا المشاهدين

سؤال للمذيع اللى مش لاقيينه
يا ريت حد يدور عليه فى اى خرابة قصدى قصر

المهم

اسئلتى المتواضعة للعم سمارت باشابيشو

انتا يا سمارت انتا


اسمك
سنك
رقم جلوسك

عايز اية من الحياه
وهل ياترى عارف هيا عايزة ايه منك

ياترى بتشتغل بمؤهلك

يا ترى بتروح الفرن ولا زى حلاتنا

يا ترى بتفكر فى بكره كل يوم ولا سايبها زى ما تيجى

هاااااااال انت ثورجى
هااااااااااااااااال ليك مشاركات دولية
هاااااااااااااااااال
لا بلاش دى عشان الرقابة بقة

وربنا يستر

طيب بما إن سمارت مشغول حبتين اليومين دول؛

هل تفتكروا حد يقعد على الكرسي وبعد ما نسألوووووووووووووه
يتفضل سمارت يتبوأ مكانه تاني؟ :mmm:

يا سلااااااااااام يا مصريه عين العقل
تتفضلى فخامتك مكان السيد سمارت لحد ما يوصل .....يالا
مفيناش من هروب ده انتى صاحبه الفكره