ملاحظات و مقترحات

الموضوع مفتوح يا جماعه لاى حد ليه ملاحظه او بيقترح نضيف حاجه


نفتتح الموضوع
الناس زعلانه و بتقول البانر فيه مشاكل ... يا ريت اللى عنده مشكله غير مصريه فى البانر باين عنده مش صح يقول و يقول الروزليوشن بتاعه أد ايه و ان شاء الله حتتحل

انا قابلتني مشكله في وضع رابط فيديو من youtube وضعت واحد من كام يوم ومش عارفه احط تاني من ساعتها خالص
اولا الويندو بتاعه وضع رابط الفيديو بتظهر في اخر الصفحه في اليسار طبعا مع وجود اسكرول في الصفحه لم الاحظ انها بتظهر اصلا ولما لاحظت واضع الرابط واعمل معاينه يطلع في المعاينه الكود مع الرابط دون اظهار الملف نفسه

اتمني اكون وضحت المشكله

إلا فين المنتدى الدائم ..
مش هو المنتدى الحالى مجرد منتدى مؤقت ولا أنا معلوماتى غلط؟

مش هو المنتدى الحالى مجرد منتدى مؤقت ولا أنا معلوماتى غلط؟

عمرك اطول من عمري ياخويا
اتش انت استريحت كده
شوفلنا حتى واحد مستعمل

ايوة موقت

بس مفيش وقت

لتقل كل اللي كتبناه

يعني لازم وقت كثير لعمل كل الاشيائ دي الرحمة

المشـ دفء ـاعر كتب:انا قابلتني مشكله في وضع رابط فيديو من youtube وضعت واحد من كام يوم ومش عارفه احط تاني من ساعتها خالص
اولا الويندو بتاعه وضع رابط الفيديو بتظهر في اخر الصفحه في اليسار طبعا مع وجود اسكرول في الصفحه لم الاحظ انها بتظهر اصلا ولما لاحظت واضع الرابط واعمل معاينه يطلع في المعاينه الكود مع الرابط دون اظهار الملف نفسه

اتمني اكون وضحت المشكله

فعلا
لما بادوس على ايقونة الالوان او تغيير حجم الخط في الاول كنت بافتكر ان الايقونة مش شغاله
لكن بعد كده اكتشفت ان النتيجة بتبقى على الشمال ورا الشاشة

Gatita كتب:ايوة موقت

بس مفيش وقت

لتقل كل اللي كتبناه

يعني لازم وقت كثير لعمل كل الاشيائ دي الرحمة

اجيبلك طاسة تيفال تنقلي فيها علشان الكلام ما يلزقش

تصدقوا يا جماعة اني اتعودت علي المنتدي جدا بحبببببببببببه يا باااااااباااااا

علي فكرة انا باعاني احيانا زي دفء مع اليوتيوب
واضح ان فيه غزالة ساعة تروح وساعة تيجي

اعتقد فيه ناس بتعاني شوية لما تيجي تنزل صورةفي الموضوعات ياريت يكون فيه ايضاح شوية
وشرح
علشان نسهل بس عليهم مش عايزين حد يزهق ويقول يا فكيك

ويلا باي دلوقت بنا اقتراحات

ماهو احنا عاوزين المنتدى الدائم .. وممكن نبتدى نكتب فيه حتى لو كان لسه محتاج شغل .. يعنى ممكن نبتديه ومع الوقت يستكمل تطويره ..

لغاية ما نشوف حكاية المنتدى الجديد، اسمحولي أحاول اساعد ببعض المعلومات اللي اكتشفتها وجايز تكون مش واضحة للجميع.

الأول، في أيكون بيكون موجود في نافذة الرد السريع وفي نافذة الرد العادية، يعني لما نضغط على post reply.

لو الأيكون ده لونه روز فاتح والكتابة من الشمال لليمين، بيكون الموضوع متعب في كل حاجة، سواء وضع صور أو فيديو أو ألوان ....وغيرها.

الصورة التالية توضح الأيكون وهو لونه روز فاتح يعني في الوضع الغلط أو المتعب في رأيي:



أما الصورة التالية، فتوضح الأيكون في شكله السليم والذي يساعد على تسهيل إضافة الصور .....وغيرها:



أما يا دفء بلنسبة لإضافة فيديو، أظن مش محتاج لعب في الفلاش ولا حاجة، بس حتدوسي على الأيكون الواضح في الصورة التالية، وبعدين تقولي ok وترسلي.

لكن لاحظي الأول إن اللينك ميكونش فيه كلمة related لإنها مش بتظهر الفيديو، غير كده أوقات برضه مبيرضاش يظهر، وشخصيا مش عارفة السبب لكن مبتحصلش كتير.

الصورة أهه:



كمان الصور على فكرة لما بنحطها بتطلع في آخر صفحة الرد واظن لازم ناخدها كت وبيست بعد كده للمكان الصحيح.

أتمنى أكون قدرت أساعد شوية

الله ينور يا مصريه شكرا للايضاح حبقي اجرب تاني ان شاء الله

العفو يا دفء على إيه، المهم يشتغل معاكي المرة الجاية.

تم تغيير اسم العضوه violetroses الى violet
بناء على طلبها

انا معترض :humer:

Smart كتب:انا معترض :humer:

هو حد جه جنبك يا سمارت !!
بيتهيألى لو حد قال حأشرب بق ميّه ...حتقوله ايه المناسبه :xgfd:

يا فتاح يا عليم .. يا رزاق يا كريم ..
ليه بس الغلط دا يا أبلة على وش الصبح؟

Smart كتب:يا فتاح يا عليم .. يا رزاق يا كريم ..
ليه بس الغلط دا يا أبلة على وش الصبح؟

اللى يسمع البقين دول يقول بتستفتح على عربيه فول فى مصر ..فى امريكا المفروض
جود مورنينج -هاف انايس داى

أى خدمة ..
كله موجود ..

بليييييييييييييييييييييييييز رجعولي الاديت
مقدرش اكتب من غيره ده انص الحروف بتطير مني

حبيت اشيل وصلة الاغنية من فوق اكتشفت انها تلاشت

بعدين مداخلتي تبقي كلمات متقاطعة يا خلق هوووووووووووو

ازاى يا فرى

الإديت مش ظاهر عندي كمان

بصي يا انيد انا هشرحلك زي ما كنت بشرح لكاباكا بس اوعي تطفشي مني

انتي اكيد حفظتيني شويتين واكيد بتلاحظي الاديت عندي اخد فيه ماراثون
اصل بصي لما بكتب بنساني خالص وبركز في المضمون
وكتير بتنزل المداخلة بصربعة من غير ما تستناني اراجعها
خصوصا واخدة بالك من خصوصا دي
بلحق انزلها قبل ما تذهب مع الريح
واعيدها من الاول يا حسباااااالللللللله

ف اديت بقي بتحل مشكل شقاوة الحروف وتزويغها مني

شفتي بقي شرحتلك باختصار ازاي مشكلتي

خلاص يا فرى ..رجعت ..متزعليش نفسك

انيد مش عارفة اشكرك ازاي لانك رديتي فيا الروح
علشان اصلح الغلط وازيل اثاره اول باول