سوزان تميم، وأخيب مجرم فى العالم

اذهب الى الأسفل

سوزان تميم، وأخيب مجرم فى العالم

مُساهمة من طرف Smart في الثلاثاء 09 سبتمبر 2008, 5:28 am

قبل البدء فى الكلام يجب أن نعرف
أن المتهمين فى قضية قتل الفنانة اللبنانية سوزان تميم هم أبرياء حتى تثبت إدانتهم.


وهناك صلة قوية عبر التاريخ بين السلطة والمال من جهة وبين الجمال من جهة أخرى (سواء كان جمال المرأة أو الرجل)،
وفى القصص القرآنى عرفنا قصة سيدنا يوسف وهو كان يعمل بمثابة وزير مالية فرعون مصر فى ذلك الوقت (العزيز)،
وكان وسيما لذلك راودته عن نفسها أمرأة العزيز، ولما لم يستجب لندائها لفقت له تهمة وأودعته فى السجن،

لذلك نعرف أن تلفيق التهم ليس من إختراع جهاز أمن الدولة ولكنه قديم قدم التاريخ،
ولو كان الأمر بيد أمرأة العزيز، ربما لكانت سلطت على سيدنا يوسف قاتل مأجور مثل محسن السكرى لتولى تلك المهمة!

وكثيرا ما أتساءل ما الذى يجذب الجمال إلى السلطة والمال،
وما الذى يجذب المال والسلطة إلى الجمال،
هل لأن إجتماع المال والجمال والسلطة يجمع أهم ما فى الدنيا،
هل لأن الجمال يحتاج إلى حماية السلطة ويحتاج إلى بذخ المال،

ما الذى يجعل بيل كلينتون رئيس أقوى دولة فى العالم
لأن يتورط فى علاقة رخيصة مع موظفة تحت التمرين وفى داخل مكتبه بالبيت الأبيض والذى يحج إليه قادة العالم،
وما الذى يجعل رجلا متزوجا وفى قمة سلطة مصر فى هذا الوقت
مثل المشير عبد الحكيم عامر إلى الإنجذاب إلى الممثلة برلنتى عبد الحميد،
وعندما حذره عبد الناصر من تلك العلاقة قام بالزواج منها وأنجب منها،
ما الذى يجعل شخصا متزوجا أيضا مثل صلاح نصر وكان على قمة جهاز من أقوى الأجهزة وأقساها
وهو جهاز المخابرات المصرى إلى أن يلهث وراء الفنانة سعاد حسنى ويحاول إبتزازها
لولا وجود مركز قوة آخر هو عبد الحليم حافظ والذى حماها من إبتزاز صلاح نصر،
وما الذى يجعل ضابط مخابرات شاب فى مصر تولى بعد ذلك منصبا إعلاميا خطيرا ومناصب حزبية وبرلمانية أخطر
أن يحضر لبعض رجال السلطة فنانات درجة ثانية وثالثة لقضاء ليالى حمراء،

ما الذى يجعل رجل أعمال ناجح وسياسى مثل هشام طلعت مصطفى
إلى أن يلهث وراء الفنانة سوزان تميم ويغرقها بأمواله
ويصل إلى درجة أن يتهم بالتورط فى التحريض على قتلها
ودفع مبلغا خرافيا ليس بالمقاييس المصرية فحسب بل وبكل المقاييس للقاتل المأجور،
ومما زاد فى تلك المأساة الأوبرالية أن القاتل المأجور هو ضابط أمن دولة سابق،
وكانت وظيفته السابقة هو حماية الناس فتحول تحت تأثير الدولار إلى قاتل مأجور،

أعتقد أن بعض الناس تعميهم السلطة والمال
ويعتقدون أنهم يستطيعون الفرار من أى جرم
أو يستطيعيون القيام بأى شئ قانونى أو غير قانونى،
أما ضابط مباحث أمن الدولة فقد تحول إلى قاتل مأجور بسبب تأثير المال من جهة
وتحت وهم أن سيده سيستطيع إنقاذه من حبل المشنقة من جهة أخرى،
وتحت وهم أخطر وهو أنه بإعتباره ضابط شرطة بإمكانه أن يضع نفسه فوق مساءلة القانون.

وما يعنينى هنا هو الخيبة الثقيلة لكلا من هشام ومحسن،
وعلى رأى المثل: "إتلم المتعوس على خايب الرجا"،
وتقول الأخبار أن هشام لم يلتق بمحسن فى الحبس بعد،
ولكنى تخيلت أنهما إلتقيا فى زنزانة واحدة فى سجن الترحيلات فى القاهرة تمهيدا لعرضهما على النيابة:

محسن: إزيك ياريس.
هشام: ريس إيه إنت خليت فيها ريس.
محسن: ياريس إنت حتطلع منها زى الشعرة من العجين.
هشام: شعرة إيه وعجين إيه، بعد التسجيلات إللى ضبطوها معاك.
محسن (يصمت ويضع وجههى فى الأرض)
هشام: أنا تسجل لى المكالمات يامحسن، ده إنت طلعت حتة واد...
محسن: جرى ياريس مافيش داعى للشتيمة، إحنا دلوقت ولاد زنزانة واحدة ومافيش فرق بيننا وبين بعض.
هشام: وبعدين تعالى هنا، أنا ما شفتش اخيب من كده قاتل، بقى ياواد تسيب بصماتك جوة الشقة وتسيب هدومك جوة العمارة، ومش قادر تبعد عن كاميرات التصوير جوة العمارة، إنت كنت شارب حاجة ياوله؟
محسن: ياهشام باشا وطى حسك أحسن يكونوا بيسجلوا كلامنا هنا جوة الزنزانة.
هشام: يسجلوا ياخويا، ما هو البركة فيك إنت خليت لهم حاجات يسجلوها، ما إنت سجلت كل حاجة، خربت بيتى الله يخرب بيتك.
محسن: ما أنا بيتى إتخرب برضه!!
هشام: وبعدين تعالى هنا، حد يحط الفلوس فى البوتاجاز، مالقيتش حتة أسهل من كده، ماأعرفش ضابط بوليس إيه، ده لو أنا لوكنت جبت واد صايع من الباطنية كان نفذ العملية أحسن منك وماكنش جاب رجلى فى القضية، أنا تسجل لى المكالمات يامحسن، (ويهم هشام أن يطبق فى زمارة رقبة محسن، الذى يتخلص منه بصعوبة).
محسن: مافيش داعى ياهشام باشا تعمل جريمة تانية.
هشام: أنا أحسن حاجة أخلص عليك وأخلص على نفسى بعد كده.
محسن: إعقل ياهشام باشا وفكر بهدوء شوية، إنت بس توكل أكبر محامين فى مصر وهم يطلعونا من المصيبة دى.
هشام: ما أنت إللى حطتنا فى المصيبة دى، وتعالى هنا، إنت مش قادر تنظف الشقة بعد ما خلصت عليها، تسيب بصماتك وهدومك وال (دى إن أيه) بتاعتك.
محسن: إيه ال (دى إن أيه) ياهشام باشا، أنا ما سبتش فى الشقة حاجة بالشكل ده؟
هشام: الله يخرب بيتك، إنت ما علموكش حاجة فى مباحث أمن الدولة، وماتعرفش ال (دى إن إيه)؟ ال (دى إن إيه) ياحيوان حاجة كده زى البصمة ممكن منها يتعرفوا على شخصية أى واحد، ودى من أهم الأدلة فى الجرائم.
محسن: والله ياهشام باشا، إحنا فى مباحث أمن الدولة كنا بنمسك المتهم من دول نقعد نضرب فيه لغاية ياإما يعترف ياإما يبان له صحاب، ولا تقوللى بصمة ولا ال (سى آى أيه) ده إللى بتقول عليه.
هشام: (سى آى أيه) برضه، روح ياشيخ أعمل فيك إيه، أنا أستاهل إللى إعتمدت على واحد زيك، أنا كان حقى جبت لى واحد من المافيا الإيطالية أو المافيا الروسية، كان عمل عملية نضيفة مية فى المية، ولا مين شاف ولا مين درى.
محسن: برضه ياهشام باشا كنت عاوز تستورد قاتل من بره، مش الريس بيقول نشجع الصناعة المحلية.
هشام: إبعد عنى دلوقت خلينى أصلى ركعتين، واستغفر ربنا، يمكن ربنا يهدينا لحل.
محسن: أيوه كده، وأنا حا أصلى وراك!!

http://www.elaph.com/Web/ElaphWriter/2008/9/363578.htm
avatar
Smart
عضو مئوى

ذكر
عدد الرسائل : 670
العمر : 50
تاريخ التسجيل : 22/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سوزان تميم، وأخيب مجرم فى العالم

مُساهمة من طرف ADHAM في الثلاثاء 09 سبتمبر 2008, 7:47 am

الاغرب من كده كمان ..
ان محسن السكرى اللى قتل سوزان اشترى السكينة على الفيزا كارت بتاعه.
وده ما اعلنته الشرطة وعن طريق الفيزا كارت تم التعرف عليه.
معرفش اذاى ده كان ضابط مباحث .
بيفكرنى بنكته الصعيدى اللى سرق وجرى استخبى فى بوكس البوليس .

ADHAM
عضو مئوى

ذكر
عدد الرسائل : 606
العمر : 72
تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سوزان تميم، وأخيب مجرم فى العالم

مُساهمة من طرف farida في الثلاثاء 09 سبتمبر 2008, 8:25 pm

تصدقوا الموضوع ده عملي اكتئاب ..اولا سمعة رجال الاعمال المصريين
قبل كده السويدي قتل المطربة التونسية ذكري

المهم ان زوج سوزان اتهم مرتضي منصور بمحاولة التدليس علي سير
اجراءات محاكمة محسن السكري وهشام طلعت مصطفي

قال عادل معتوق في حلقة مساء امس الاول من برنامج القاهرة اليوم الذي يقدمه عمرو اديب:

حديث مرتضي منصور عن تورطي في قتل سوزان تميم محض افتراء
اذا كان لديه دليل فليقدمه
وشدد
لم اقل لمنصور باي طريقة انني ساقتل سوزان
اذا خرجت من مصر..

تفتكروا فعلا هشام هو اللي حرض علي القتل ولا دي حرب بين البزنس مان
لانه فعلا زواج بين البزنس والسلطة
قريت ان رجال الاعمال زمان كانت فيهم نماذج مشرفة
تضع المصلحة العامة قبل الشخصية
كان فيه قدوة ..
زي فرغلي باشا ملك القطن واحمد عبود الاقتصادي العصامي
دلوقت القدوة بتقف وراء ستار عندما بيسقط
تنهاركل القيم

مش عارفة ده سببه الكبت الاجتماعي ومحاولة اظهار صورة نموذجية هو السبب
اعتقد الاهتمام بالمظهراصبح اهم من المضمون وده اللي قريته
عن هشام كان مهتم جدا بصورته امام المجتمع
بعد الحادث

اتمني ميكنش له علاقة بمقتلها اوحش حاجة ان انسان ناجح
يدمر حياته وحياة اسرته لينتقم من محطة عابرة اضاع معها الملايين ولكن خسر فيها نفسه
avatar
farida
عضو ألفى

انثى
عدد الرسائل : 1587
العمر : 59
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سوزان تميم، وأخيب مجرم فى العالم

مُساهمة من طرف elhram في الأربعاء 10 سبتمبر 2008, 2:51 pm

يمكن ده جنون المال

مش عارف يعنى الناس دول مال وسلطة ونفوذ وكل حاجة ايه الى بيخليهم يلجئو للاساليب القذره ؟ ايه بيخلى كل واحد رجل اعمال مهم لازم يكون ليه علاقة مع واحدة جميلة ان لم تكن مشهورة ايه السبب ؟؟
يعنى واحد بالغنا والنفوذ اعتقد انه فى استطاعته يتجوز اجمل الجميلات سهلة ليه .
بس عمر الحرام مابيدوم

elhram
عضو مئوى

ذكر
عدد الرسائل : 378
العمر : 34
تاريخ التسجيل : 02/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: سوزان تميم، وأخيب مجرم فى العالم

مُساهمة من طرف farida في الأحد 16 نوفمبر 2008, 1:55 am

مش ممكن قضية الساعة حقيقي Shocked
وانا بتفرج النهاردة علي المحامين في قناة الصفوة حسيت اني بتفرج علي دنيا السيرك
كل واحد بيتشقلب في الهوا فمش عارفة اتابع مين علشان احس بمصداقيته في الدفاع

القضية فيها مفاجات بشكل غريب
فريد الديب محامي هشام طلعت مصطفي فجر قنبلة في جلسة النهاردة
ان القاتل اسمه اليكس
قتلها لصالح رياض العزاوي من اصل عراقي مقيم في لندن ويقال انه زوج سوزان تميم
وهسيبكم تتابعوا احداث القضية



http://aawsat.com/details.asp?section=54&article=494913&issueno=10945

http://www.almasry-alyoum.com/article2.aspx?ArticleID=186562

http://www.elaph.com/Web/NewsPapers/2008/11/381278.htm
avatar
farida
عضو ألفى

انثى
عدد الرسائل : 1587
العمر : 59
تاريخ التسجيل : 23/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى