مصريات شو

وبعد الفاصل اواصل مع فنجان قهوة وقاعدة ستاتي اسئلتي لضيفة مصريات شو
السوبر ستار ايمي بعضشي
اللي بتهز رجلها




علشان نفتح نفس ضيفتنا الليدي بعضشي هانم هنسالها سؤال حريف

ياتري بتحبي المخلل علي الاكل -
وياتري اي نوع مخلل محبب اليك ؟

-تقولي ايه لامراة عنيدة ؟ وهل انت شخصية عنيدة ؟ وامتي بتشعري ان العند صفة حميدة وليست صفة مدمرة لصاحبها؟
وهل تندمين احيانا لو شعرت انك خسرت اشياء امام عندك
ام انك تزدادين صلابة ؟

-من وجهة نظرك يا تري اين يكمن جمال المراة؟ وما هي مواصفات جمال امراة من الداخل؟
وياريت بمنتهي الصراحة تصفي مواطن الجمال في شخصيتك وما هي عيوبها؟

- هل تغفري للرجل خيانته ؟

- ايه اكتر الاماكن اللي مهما طالت قعدتك فيها بتنسي معاها نفسك ومش بتشعري بالوقت؟
واشمعني المكان ده وبيفكرك بايه ؟ وذكرياتك معاه ايه؟

- ياتري شاعرة بحالة التغيير في طبيعة الشعب المصري ؟ وتفتكري ايه اللي ممكن يرجع طبيعتنا لينا من جديد؟
تفتكري الحل في النظام ولا الاعلام ولا التعليم ولا نبني اجيال جديدة تحب مصر
ويكون شعارها الكره ضد الحب
الحرب ضد السلام
والتعصب ضد المنطق

تفتكري فيه حد هيقتنع بالشعار ده؟

-مش ملاحظة ان نظرة الرجال الان في مصر بالتحديد ومش هقول العرب
اصبحت دونية للمراة وعايزين يرجعوها لعصر الجواري ؟
وياتري انت مع المراة ان تصبح قاضية؟

-المفروض انك تخجلي من نفسك يا نوال انك اضعتي عليا التفكير
بالموسيقي اللي بتسمعيها...

لو نفس الحوار ده اللي كان بين زكي رستم وفاتن حمامة حصل معاكي
ايه هيكون شعورك ورد فعلك؟

- طبعا في جعبتنا اسئلة كتير ليكي
لكن خايفة تصدعي مني ومن البرنامج بس كام سؤال
وهسيبك تاخدي شهيق وزفير

اوصفي مشاعرك

-عند رؤيتك لزهرة الياسمين

-عند سماعك لنغمات البيانو

-النظر لامواج البحر

- منظر سفينة تبحر

-وجه بشوش ساعة الصبحية

-وجود عصفور علي الارض لا يستطيع الطيران

- امام فنجان قهوة بنكة الحبهان

- وانت تقرئين هذه الجملة

تحدث عن الاشياء الجميلة في حياتك مع كل من يريد
ان يستمع اليك
واينما وجدت اذانا صاغية
روح العالم في حاجة ماسة الي سعادتك

ونواصل الحوار والاسئلة مع ضيفتنا الليدي ايمي بعضشي

خذى الشوية دول كمان بالمرة:

ـ هل أنت من العضوات السابقات فى هذا المنتدى أو غيره؟

ـ هل أنت من ناشطات انترنت؟

ـ هل أنت عضوة فى أحد الأحزاب السياسية؟

ـ هل أنت من أنصار حركات التغيير السياسية المنتشرة فى مصر حالياً؟

ـ هل عندك بطاقة إنتخابية؟ وهل ستدلين بصوتك فى الإنتخابات القادمة؟

ـ بإختصار: ما هو رأيك الشخصى فى كل من:
أحمد عرابى ـ مصطفى كامل ـ محمد فريد ـ سعد زغلول ـ جمال عبد االناصر ـ أنور السادات ـ حسنى مبارك

ـ فى السفر سبع فوائد .. ما هم من وجهة نظرك؟

ـ كيف تميزين بين كلأ من تلك المتناقضات فى شخص ما:
اللباقة ـ الصفاقة
الجمال ـ القبح
المعرفة ـ الجهل
الكياسة ـ التهور
السمو ـ الوضاعة
الذكاء ـ الغباء
الصدق ـ الكذب

ـ تقول المقولة: "تحدث حتى أراك" ..
وواضح من مداخلاتك أنك قرأت الكثير من مداخلات أعضاء هذا المنتدى، وتعرفت على شخصياتهم من خلالها.
إذن .. وفى كلمات محدودة (جملة واحدة على الأكثر) ما هو إنطباعك عن كل من:
سيسامى ـ فريدة ـ قمر الليالى ـ أنيد ـ لارنو ـ مصرية ـ ناثنج تو لوز ـ هشام ـ أوسكاسان ـ سمارت ـ أدهم ـ الهرم


يالله ... مشى حالك بالشوية دول دلوقت على ما نكمل بعدين

انا دخلت عشان اسألك لقيتك ياعينى عندك واجب عاوزله اسبوع عشان يخلص ..

يلا شدى حيلك ياايمى بعضشى وجاوبى .

وبعدين بأأأأأأأأأأأأأأأ
أنا مبحبش اصلا المذاكره المفروض الدكتور بيجى اخر السنه ويلغى نصف الكتاب
واللى اتسبب فى انتشار لفظة بعضشى فى المنتدى عمالين زالينى بيها إحياته وإحيات شبابة الغالى لنطلعوا عليه اخماس واسداس وفاكر يا د. حكم محاكم أمثال لما أديتنى رشوه عشان الأبراج الصينى بلاش منها ماشى ماشى

عموما انا حنزل الاول بورق الحيطه وبعدين أعيد عليه بالأسئلة وسلامو عليكوا

لا مفر من الإجابة
نبدء بأسئلة ضرب الودع الاول وبعدها نختم بأسئلة عدسه
المخلل
بحبه أثناء وبعد وقبل الأكل والنوم لو عصرتونى بعصارة براوان تلاقونى مية طورشى ، أفضل أنواعة الخيار المخلل

و ندخل على الاسئلة الصعبة

-تقولي ايه لأمرأة عنيدة ؟ وهل انت شخصية عنيدة ؟ وامتي بتشعري ان العند صفة حميدة وليست صفة مدمرة لصاحبها؟

حقولها كفك على كدة .
أيوه عنيدة
العند فى التصميم على الإصلاح على تحدى النفس الامارة بالسوء على إجتياز الازمات على تحفيز كل من نرغب فى الحفاظ عليهم من سلوكيات خاطئة كل هذا وغيره من العند الذى يتصف بكونه حميد أكثر من كونه مدمر .

وهل تندمين أحيانا لو شعرت أنك خسرت أشياء أمام عندك
نعم أحيانا
ولكن لحظتها أتراجع عن عندى واعترف بخطئ والتسرع فى الفهم الخاطئ لبعض الامور
ام انك تزدادين صلابة ؟
الموضوع ليس له علاقه بالصلابه انا ابعد ما يكون عن تلك الصلابه
بالرغم من ذلك العناد الذى لا أفعله الا على حق من وجهه نظرى

يا تري اين يكمن جمال المراة؟ وما هي مواصفات جمال امراة من الداخل؟
جمال المراة فى رقتها وليس التى ترقق من نفسها جمالها فى طبيعتها التى خلقها الله عليها وكلما حافظت عليه يزداد لا يؤثر عليه علامات الزمن، حينما تتصالح المراة مع نفسها حينما تنظف قلبها دائما اول باول من الحقد والغيرة من الإنكسار حينما تحمى أفكارها عقلها قلبها وتحيطهم من سياج مرصع بالقيم والمبادئ مثلما تحمى بشرتها من اشعة الشمس ونعومة اظافرها وبرق شعرها يجب ان تغذى الروح وتروضها على محاربة النفس الامارة بالسوء فالرد على هذا السؤال يحتاج الكثير من الكلمات يحتاج ندوات ومؤتمرات يتم من خلالها مناقشه مواطن جمال المرأة فلا تكفى السطور هنا مهما كتبت عن مواطن الجمال الكامنة فى المراة

فلكل أمراة جمال خصه الله بها دون غيرها ، أن تتعرف المراة عليه و ان تكون قادرة فى التعرف على مواطن الجمال بها فى تلك اللحظه تستطيع الإشارة عليها بإنها جميلة


وياريت بمنتهي الصراحة تصفي مواطن الجمال في شخصيتك وما هي عيوبها؟
أزاى بس اقدر اوصف نفسى واتغزل فى مواطن جمالى ؟
لكن اقدر أقولك عيوبى اللى عارفه انها موجوده وملتصقة بى
مثلاّ التردد ، العند احيانا يكون عيب ، التشبث بالراى الخاطئ عن جهل ، سوء الظن " وبعالج نفسى منه "

- هل تغفري للرجل خيانته ؟
اى راجل بالظبط ؟ اللى بيخون وطنه مثلاَ ؟ ده طبعاّ عايزله مطوه قرن غزال ومش الجواسيس هما بس اللى بيخونو وطنهم لكن اكيد كلكم عارفين أشكال والوان الفساد المنتشرة التى تحلق فى سماء وطننا وحجبت عنا الرؤية.

وبعتقد بحاستى السادسه انك تقصدين بها خيانة الرجل ( كزوج أو خطيب )
معرفش ؟
لانى مش متخيله ابدا الشخص اللى بحبه وبيحبى ممكن يخونى اقصد خيانته لى انه يكف عن حبى دون ان يخبرنى تلك فقط أطلق عليها خيانه


- ايه اكتر الاماكن اللي مهما طالت قعدتك فيها بتنسي معاها نفسك ومش بتشعري بالوقت؟
واشمعني المكان ده وبيفكرك بايه ؟ وذكرياتك معاه ايه؟

شاطئ عايدة بالمنتزة،
واشمعني المكان ده وبيفكرك بايه؟؟؟؟؟؟؟؟؟ ؟ وذكرياتك معاه ايه؟؟؟؟؟
حجاوب عليه فى الكواليس.




-مش ملاحظة ان نظرة الرجال الان في مصر بالتحديد ومش هقول العرب
اصبحت دونية للمراة وعايزين يرجعوها لعصر الجواري ؟

ينظر بالدونيه زى ما هو عايز بس أكيد مش كل الرجالة وإلا يبقوا بيستعبطوا هما يعنى مين رباهم غير امهتهم ولا مين براعيهم وبراعى اولاده غير زوجاتهم .



وياتري انت مع المراة ان تصبح قاضية؟
لا مش معاها تتقلد منصب القضاء



-المفروض انك تخجلي من نفسك يا نوال انك اضعتي عليا التفكير
بالموسيقي اللي بتسمعيها...

لو نفس الحوار ده اللي كان بين زكي رستم وفاتن حمامة حصل معاكي
ايه هيكون شعورك ورد فعلك؟
طبعاَ لو اللى قالى كده ذكى رستم انا حطلع اجرى واخاف جداّ
لكن لو مش هو اكيد حقولة روح يا ياد انت ياد انت ياد وأديه مقص وقوله حوش النمله لا تعكبلك

- طبعا في جعبتنا اسئلة كتير ليكي
لكن خايفة تصدعي مني ومن البرنامج بس كام سؤال
وهسيبك تاخدي شهيق وزفير

اوصفي مشاعرك

-عند رؤيتك لزهرة الياسمين
حقول الله
-عند سماعك لنغمات البيانو
أتذكر مدرسة الموسيقى عندما كنت صغيرة

-النظر لامواج البحر
اشعر بالارتياح

- منظر سفينة تبحر
- أتمنى ان أرمى بنفسى فى البحر حتى الحق بها


- بشوش ساعة الصبحية
مش عارفه بصراحه حعمله ايه يعنى كل يوم لما بكون الصبح فى الشارع بلاقى ناس كتير بشوشه مش معقول حجيب طبله وأغنيلهم " انا بهزر خلى بالك " احسن تكونوا مش واخدين بالكوا انى بحب الهزار
اكيد بحس براحه لان
الشخص المبتسم بيكون له تأثير إيجابى على الأشخاص المحيطه به وبينتقل إليهم شعوره الداخلى بالرضا الذى ينعكس على وجهه بالبشاشة .

- عصفور علي الارض لا يستطيع الطيران
حيصعب عليا جدا وأعيط وحاخده معايا البيت كمحاولة فى تقديم المساعده له
ونفس السؤال اقوله لكم الاطفال الشحاته المرميه فى الشارع واللى احيانا بتكون مصابة بعاهات لما بنشوفهم يا ترى أيه رد فعلنا بعد شعورنا بالأسى والحزن عليهم ؟

- امام فنجان قهوة بنكة الحبهان
مش بحب رائحة القهوة أبدا ابدا أبدا بعد عشق طويل تحول هذا العشق لكرهه دفين والسبب ___ كل ما أشمها اتذكر الفترة التى مررت عليا وانا مريضه جدا مش عارفه اوصف كويس ليه بس يا فيرى السؤال ده


وحكمل كمان شويه

ـ هل أنت من العضوات السابقات فى هذا المنتدى أو غيره؟

لا يا سيادة المخبر معنديش ولا سابقة .

هل أنت من ناشطات انترنت؟

اسماعيل ياسين بيقولك أيه نؤه ه ه ه نؤ ه ه ه ه ه ه .

هل أنت عضوة فى أحد الأحزاب السياسية؟
منذ شهر قدمت فى حزب التجمع لاكون عضوة حتى اشعر اننى بكل جدية من انصار حركة الإصلاح والتغيير فى مصر .

ـ هل عندك بطاقة إنتخابية؟ وهل ستدلين بصوتك فى الإنتخابات القادمة؟
أيوه عندى إن شاء الله ادلى بصوتى فى الانتخابات القادمة .

انا تعبت خلاص حكمل بعدين

على فكرة.. انا متابع بس مش ح اسأل دلوقتى..
لغاية ما يخلصوا عليكي الأول..
وبعدين تيجيلى أنا بقى .. مشفية ومستوية..
عشان أستفرد بيكي.. ومعايا الدكتور أدهم..

تفتكري الحل في النظام ولا الاعلام ولا التعليم

افتكر والله أعلم ان النظام الحاكم لما يتعدل وعلينا خير يبقى الكل بالتبعية حيمشى على الصراط المستقيم .

ولا نبني اجيال جديدة تحب مصر
ويكون شعارها الكره ضد الحب
الحرب ضد السلام
والتعصب ضد المنطق
تفتكري فيه حد هيقتنع بالشعار ده؟

أزاى نبنى اجيال جديدة تحب مصر ويكون شعارها الكره ضد الحب
المفروض العكس
الاجيال الجديدة اللى حتتربى على حب وطنها ومش حتبقى الماده المقررة على اولى ثانوى على ايامى زمان وأسمها تربية وطنيه تكون فى آخر الجدول فى الحصة السابعه يوم السبت بعد 6 حصص كاملة من الطحن والعجن ويكون المدرس بيوحى لنا بالنعاس وكمان يقولنا اللى معاه ساندوتش يأكلة والكتاب أصلاً رفيع جداَ وعنده أنميا ومكتوب فيه مصطلحات لتعريفات أكتر من أنه بيعرفنا عن بلدنا وازاى وليه واجب علينا نحبها وأيه هى معايير حب الوطن وأيه هى تصرفاتى اللى لو صدرت منى حكون بكده بحب وطنى وأيه التصرفات اللى لو عملتها حكون
مش أصيله ومعنديش انتماء لوطنى لكن بحس اننا أتلخبطنا عن عمد بحس انى من الاجيال المظلومة اللى أنضحك عليها وبحس أنهم علمونى غلط بالرغم إن جوايا حب كبير لبلدى لكن ازاى أعبرعن حبى ليها وانا معرفش وماخدتش فى المدارس الأسس السليمة ده غير سؤء الظن الذى اكتسبة على مدار حياتى لم اعد اثق فى الكثير من المعلومات التى اسمعها من وسائل الإعلام أحيانا اجد برنامج ما يقوم بالسب والتشهير لسياسة ما او شخص ما وسرعان ما يحدث العكس فأصبح تائهه مسلوبة الرأى والفكر لا استطيع ان ادلى بأية آراء سياسة اخاف ان يصبح هذا الرأى الذى كونتة مغلوطاّ وأن هناك من الوسائل الإعلامية التى تتعمد تضليلنا وإعمائنا عن الحقيقة فقد لاحظت شيئ غريب جداّ كلما حدثت ازمة ما فى بلدنا
ويبدء الناس فى الحديث عنها والانشغال بها ويثار الراى العام حولها إلا واجد شيئ ما أخد كل الانظار لتلتف حوله
وتنتبه لوجوده فيصبح هو حديث الشارع المصرى وينفض عن الأزمة الاولى بمنتهى البساطة والهدوء.
فسريعة هى الازمات التى تشتعل فى بلدنا سواء إن كانت مهمة اولا وكانها كامواج البحر ونحن كقطعة خشب " جماد " يأخذها الريح على الامواج مثلما يشاء تهدء الرياح نسكن ونظل فى أماكننا منتظرين أن تهب من جديد

فأنا ابحث عن الجنية الزرقاء مثلى مثل بينكيو الدمية المصنوعة من خشب الصنوبر وبها خيطين لكى يتمكن من الحركة
وقد وضعت الجنية شرطا للدمية حتى يصبح حقيقى " ان يقول الصدق ويكون شجاع وغير انانى "

أتمنى أن يكون التغيير قادم لأننا برغم كل ما نرتكبه من اخطاء فى حق انفسنا وحق غيرنا إلا أننا نستحق تلك الفرصة فى التغيير ويجب أن نتمسك بها بشتى الوسائل والطرق .
اما بالنسبة لباقى الشعار يا فيرى " عن

الحرب ضد السلام "

فهل تقصدين السلام الذى ننعم به حاليا بداخل بلدنا " ولا الإستسلام " ولازم نحاربه ؟
أم الحرب ضد السلام " أو الإستسلام " الذى وقع عليها السادات مع إسرائيل ؟

" التعصب ضد المنطق "

كلنا أكيد متفقين ان الشعار ده عمره ما حد يؤيده ومن ناحية الزمالة والصداقه انتى شايفة بنفسك اننا اسرة فى منتدى واحد مسيحين ومسلمين بيكون بينا المناقشات بكل حب وتفاهم نابع من المنطق
فإما ان أقنع غيرى بوجهه نظرى أو غيرى يقنعنى أو الأختلاف القائم والمستمر لا يفسد للود قضية

ومن منطلق هذا الشعار بطلب من اعضاء المنتدى جميعاً فى أن نبدء بالمناقشات الدينية فى أحد أبواب المنتدى بصورة جديدة يكون الهدف منها تبادل الثقافات والمعلومات الدينيه وتوضيح بعض الأراء المغلوطه التى يرددها المتعصبين وتوثيقها بالمعلومات الصحيحة .



 

(([quote="emeeme"]وبعدين بأأأأأأأأأأأأأأأ
أنا مبحبش اصلا المذاكره المفروض الدكتور بيجى اخر السنه ويلغى نصف الكتاب
واللى اتسبب فى انتشار لفظة بعضشى فى المنتدى عمالين زالينى بيها إحياته وإحيات شبابة الغالى لنطلعوا عليه اخماس واسداس وفاكر يا د. حكم محاكم أمثال لما أديتنى رشوه عشان الأبراج الصينى بلاش منها ماشى ماشى ))


انا كنت خايف عليكى من برجى الصينى ..
انا رابطه فى الجونينه بتاعت المنتدى وعمال يهوهو طول الليل والنهار وشكله جعاااااان
ولو قطع السلسة معرفش ايه اللى حيحصلك , وممكن ترسى على كام حقنة لقاح

إلى كل رجالة المنتدى الموجودين حاليا " سمارت وادهم وهشام واوسكاسان "
انا مخصماكم جدا ّ والسبب ان اوسكاسان وسمارت بيسخروا من جملتى " إقتناء الأقمشة " لما هشام بيسألنى

عن هواياتى إن وجدت ؟

بداية أقتناء الأقمشة فى حياتى .

أثناء ما كانت جديتى تفرغ دولاب ملابسها لتعيد ترتيبهم وتتخلص فى ذات الوقت من الملابس القديمة أو البالية او التى لم تعد تستخدمها كنت جوارها ألعب
فتبعثر تل الملابس وأختلط ما ترغب فى الاحتفاظ به مع ما كانت تنوى التخلص منه، فطلبت منى ان أساعدها فى إعادة ترتيبهم كنوع من العقاب " من وجهه نظرها " وبات هذا العقاب يروق لى .
فبدءت أناولها الملابس لكى تطويها وترتبها وبدءت هى تحكى ذكريات بعض الملابس القديمة " فهذا فستان قديم كانت ترتدية " وهذا مفرش سرير أهدته لها حماتها حينما انجبت والدى ، وهذه قطعة قماش تبقت من فستان زفافها " والكثير والكثير من الأقمشة ومن الحكايات الجميلة التى تحمل رائحة الذكريات فقد تاثرت كثيراَ حينما أنتقت من بين الملابس المبعثرة فستان بالى لطفلة صغيرة وضعته على أنفها ودموعها تتساقط وقالت لى " كانت لى ابنة اسمها فاتن ماتت بالحمى لم يتعدى عمرها الثلاث سنوات " وقصت لى ان فى زمانها كل أسرة كانت تفقد الكثير أبنائهم فلم يكن هناك وعى صحى كافى .

وبعد ذلك ....

طلبت منها أن تعطينى بعض من تلك الملابس ثم احضرت الخيوط وأيادى الشنط الإكسسوارت القديمة، وبدءت فى تصنيع أول فستان صغير ألبسته لعروستى ثم تطور معى وأصبحت هواية عندى تبدء من أنتقاء الأقمشة البالية لألعب بها وأصمم منها كل ما أرغب من موديلات وشنط ألعب بهم مع أختى ومع جاراتى فكل واحدة منهم كانت تلبس اى شيئ من تصميمى ونبدء فى التمثيل .

حينما اصبحت كبيرة قادرة على التسوق لأشترى ما أغب من الأقمشة ظل فى داخلى حب الاحتفاظ بكل ما عند جدتى من أقمشة قديمة تحمل ذكرياتها، ولم يقتصر الأمر على ذلك بل تتبعت كل ما هو قديم من أقمشة عند عائلتى .

[color=green]تلك قصتى مع ما أطلقت عليه " إقتناء للأقمشة "

[quote] وانت تقرئين هذه الجملة

تحدث عن الاشياء الجميلة في حياتك مع كل من يريد
ان يستمع اليك
واينما وجدت اذانا صاغية
روح العالم في حاجة ماسة الي سعادتك

اش اخد بالى والنبى من السؤال ده حاولت اضربه فى مخى مع 1/2 ك كنافة بالقشدة بردوا مفهمتش تفتكرو ا ليه مع انى نوره

ـ تقول المقولة: "تحدث حتى أراك" ..
وواضح من مداخلاتك أنك قرأت الكثير من مداخلات أعضاء هذا المنتدى، وتعرفت على شخصياتهم من خلالها.
إذن .. وفى كلمات محدودة (جملة واحدة على الأكثر) ما هو إنطباعك عن كل من:
سيسامى ـ فريدة ـ قمر الليالى- جاتيتا- ـ أنيد ـ لارنو ـ مصرية ـ ناثنج تو لوز ـ هشام ـ أوسكاسان ـ سمارت ـ أدهم ـ الهرم

سيامى : جاده جدا تعرف طريقها مثل سفينة نورماندى 2
فريده : مسلية جدا وبحس انها بتاكل بسكوت لوكس بتشر رقة
قمر الليالى :لو تريح نفسها وترمى الميزان اللى أشترته بــ 12 درهم حتبقى ميه ميه بدل 99 الميه
لارنو : أنصح زوجها المستقبلى يأمن على حياة فى حالة العاهات او السكته الدماغية

جاتى : لذيذة وحلوة مثل مصاصة لولى بب
أنيد : الشريك المخالف للارنو
أدهم : أنا أقدر أقول حاجه يا عم ده موقف لى الكلب بتاعه على ناصية المنتدى
سمارت : مش عارفه ليه بحس انه عايز يقولى انت منتهندى ليه
هشام : يالـــــــــــهوى
اوسكا : اقول أيه بس أسمة ده ولا روشته اوسكا وسان

مصرية : طيبة جدا وده غريب على الاسكندرنيه
ناثنج تو لوز : لو اديت للواحد مفك صليبه فى عينه الشمال وانقبض عليها حتقول مثل ما قالت رايا قبل إعدامها " انا مبنخافوش "
الهرم " كان دمة خفيف بس مستفز فى ارائة يااما هو او أيمون مش متذكرة مين فيهم اللى كان متيم اوى بالسادات

ارجع لكو بعد الفاصل العشائى

فى السفر سبع فوائد .. ما هم من وجهة نظرك؟

ياللى متغرب حتعرف قيمة امك ____1

يزداد المسافر صلابة وقدرة على التحمل والتكيف ، من الاخر حيبطل دلع __2

المعرفة والعلم " اطلبو العلم ولو فى الصين " التعرف على ثقافة شعوب مختلفة _____3

المتعة والانطلاق والحرية _______4

التأمل والتدبر والتفكر ______ 5

حيتعرف الصديق الوفى من الندل " مين حيفضل يطمئن ويسأل على أخبار صديقة المسافر" ___ 6

أختبار اخلاقى " مين عياره حيفلت لما يسافر ومين حيزداد تقوى وفلاح _____ 7


 

سمارت : مش عارفه ليه بحس انه عايز يقولى انت منتهندى ليه

هي كلمة "منتهندي" دي ايه ان شاء الله؟

هي كلمة "منتهندي" دي ايه ان شاء الله؟

أيه بس مبتعرفش لغه " منتهدنى " وهى ترجع فى قاموسى اللغوى للمصطلحات والتعريفات إلى الإضطهاد او الإستقصاد
وبكده تكون المعنى " انك حاسس انى مستقصداك يا كابتن سئ سئ وده سؤء ظن منك

يا ريت يا إيمى بعضشى .. تبقى تسيبيلنا الكتالوج جنب كلامك منعاً للمشاكل

وبكده تكون المعنى " انك حاسس انى مستقصداك يا كابتن سئ سئ وده سؤء ظن منك

هو بس عشان مانعلمش الأجيال القادمة لغة عربية بايظة ..
فلما تيجي تكتبي كلمة "سوء" يبقي ماتكتبيهاش "سؤء"..
لاحسن وزير التربية والتعليم بيعمل زيارات مفاجئة وخدي بالك ..

أما عن "سؤء الظن".. فأكيد لأ.. انا بس بأناكفك..

يااااااااااه يا emeeme
انا كان قلبي حاسس انك اسكندرانيه، وكمان طلعتي ساكنه قريب مني.... ايه الهنا ده
أحمدك يااااااااااارب

لارنو : أنصح زوجها المستقبلى يأمن على حياة فى حالة العاهات او السكته الدماغية

قصدك ايه لا لا لا اوعي تكوني قريتي الموضوع بتاع القصر
كنا صغيرين وبنهرتل... احنا دلوقتي عقلنا وكبرنا وعقلنا يوزن بلد

علي فكرة انا كمان عاوزه اسأل بس بعد سمارت علشان تكوني دايخه ومش مركزة ومش شايفه ..... واكون انا قريت كل مداخلاتك علشان امخمخلك

أيوه الله ينور لارنو حتسألنى بكدة أضمن ان الأسئلة تكون روشة وسيادة الخوجة سئ سئ أفندى حاضر "حاخد فى جيبى الشمال كل مرة وانا جاية على المنتدى بالى عشان يصحح لى الغلطات الإملائية " ومشكرين على النصيحة اللغوية مش كفاية عدسة عليا يطلعلنى كمان سئ سئ والله لاقطع فيكوا فى موضوع " كيلو منجة السيكا انتيكا " وقبل ما اختم بإجابة أخر سؤال احب أقول لكل البنات نصيحة مهمة جدأَ

لو عايزة فلوس ____ أتجوزى خليجى
ولو عايزة تدلعى _____ اتجوزى اللبنانى
ولو عايزة الجنة ونعيمها ____ اتجوزى المصرى    

لو عايزة فلوس ____ أتجوزى خليجى
ولو عايزة تدلعى _____ اتجوزى اللبنانى
ولو عايزة الجنة ونعيمها ____ اتجوزى المصرى

اللى يسمع كلامك دا..
يقول ان البنت المصرية في ايدها تختار ..

إلا بالمناسبة بقى ..
- تحبي تتجوزي خليجي ولا لبناني ولا مصري؟
- وما هي مقومات نجاح العلاقة الزوجية في رأيك.. المال.. التفاهم.. التوافق؟
- هل أنتى شخصية جريئة.. أم متهورة؟

تحبي تتجوزي خليجي ولا لبناني ولا مصري؟

والله ولو حتى موزمبيقى المهم يكون كامل الاوصاف فتنى والعيون السود او البنى الغامق خدونى من هواهم رحت اغنى ليه يا قلبى ليه خدونى

وما هي مقومات نجاح العلاقة الزوجية في رأيك.. المال.. التفاهم.. التوافق؟

بإختلاف نسبهم يعنى القليل من المال يكفى وخمسين فى الميه تفاهم حلو أوى بس صعب جداّ فى زمنا هذا والتفواق هو اللى يكون أعلى نسبه

هل أنتى شخصية جريئة.. أم متهورة؟

أيه ده بأة يا عم السؤال ده يا عم يعنى لازم أختار يا أسود يا كحلى مفيش الوان تانيه " انا يا سئ سئ أفندى
جريئة احيانا لدرجة لدرجة الأستفزاز للغير
ومتهورة أحيانا لدرجة الندم
وخجولة احيانا لدرجة النوم
ومتأنية لدرجة الشلل أحيانا اخرى
يعنى خلطة شيزوفرنيه

بالنظر لبيانات حضرتك الشخصية ..
اللى طبعا حضرتك كاتبة فيها الإيميل بتاعك على الهوتميل والياهو والسكاي بي..
وفاضل بس تكتبي نمرة تليفونك لتكون مشاع على الانترنت ..

المهم يعني ..
بالنظر لبيانات حضرتك ..
وجدت ان برجك الصيني هو الحصان ..

ومواصفات الحصان هي كالتالي ..
ذكي ويواكب مجرى تفكيرك بحيث يفهم ما تريد قوله قبل أن تنهي حديثك..
لديه القدرة في أن يستشف ما يجول في خاطرك..
يستقل عن الأسرة في عمر مبكر..
مولود للسباق والسفر..
يكره الضغط أو الشعور بالذنب..
متمرد بالرغم من سمات التماسك البادية عليه..
ذو شعبية واسعة ومحرك الجماعات..

باستثناء محرك الجماعات لأننا كلنا نبصم بالعشرة انك فعلا محرك جماعات ..
فهل تعتقدين أن صفات برجك تنطبق عليكي؟



اعتقد آه ..

السؤال اللى بعده ..
- هل انتى كتاب مفتوح للآخرين؟ بمعنى أنك مثل الفنانة رغدة في الإعلان .. "معندكيش أسرار".. ولا انتى كتومة زى بطلة تيتانيك.. عميقة عمق المحيط؟
- عندك كام صديق/صديقة.. اقصد اصدقاء حقيقيين..؟
- ايه المكان في بيتك اللى بتقضي فيه أطول مدة في يومك.. المطبخ.. قدام المراية.. في البلكونة أو قدام الشباك.. أو على المكتب.. أو قدام التليفزيون أو الكمبيوتر؟

على فكرة ..
بمناسبة ان عندك شيزوفرينيا..
بيقولك ان امرأة برج السرطان لا تدري حقيقة نفسها ولكنها تعرف أنها ليست امرأة عادية..
وأي رجل يربط مصيره بهذه المرأة يجد نفسه أمام السؤال التالي:
"ترى مَنْ مِنَ المخلوقات زوجتي بالضبط؟ هل هي من الحوريات الساحرات, أم من الفراشات الهائمة, أم من الحيوانات الشرسة, أم مجرد امرأة مهووسة قليلا؟"
لا أحد يدري على وجه التحديد..

النظر لبيانات حضرتك الشخصية ..
اللى طبعا حضرتك كاتبة فيها الإيميل بتاعك على الهوتميل والياهو والسكاي بي..
وفاضل بس تكتبي نمرة تليفونك لتكون مشاع على الانترنت ..

فكرتى بالنكته بتاعة الست اللى جوزها مات وكانت ماشية فى الجنازة وهى تبكى
"إهيق إهيق"

فقال شخص يمشى جوارها بالجنازة " يا رتنى أقدر أعرف عنوان بيتكم " فتبكى السيدة بصوت أعلى على زوجها المتوفى " ياحبيبى يا جوزى
إهيئ إهيئ يا روحى يا جوزى إهيئ إهيئ ياللى كنت مهنينى يالى كنت كاتب لى شقه بأسمى فى 25 طريق الحرية رابع عمارة الدور الخامس شقة 15 والباب على إيدك اليمين يا خووووووويا




ماشى يا سمارت فكرنى لما تنزل مصر أيدك رقمى وفوقهم رصيه

اعتقد آه ..

بتفكرنى بواحد صاحبنا أسمة اوسكا الحداقة والمداقة أنت بتشوفه اليومين دول


ا

لسؤال اللى بعده ..
- هل انتى كتاب مفتوح للآخرين؟ بمعنى أنك مثل الفنانة رغدة في الإعلان .. "معندكيش أسرار".. ولا انتى كتومة زى بطلة تيتانيك.. عميقة عمق المحيط؟
- عندك كام صديق/صديقة.. اقصد اصدقاء حقيقيين..؟

- ايه المكان في بيتك اللى بتقضي فيه أطول مدة في يومك.. المطبخ.. قدام المراية.. في البلكونة أو قدام الشباك.. أو على المكتب.. أو قدام التليفزيون أو الكمبيوتر؟

أنا كتاب مفتوح لو حد عايز يقرأ ويكون مهضوم مش رخم وغتت وحشرى

- عندك كام صديق/صديقة.. اقصد اصدقاء حقيقيين..؟

بالنسبة للصديقات " رحاب ونهى وليلى اختى وإنجى " كلنا أصحاب منذ الطفوله وكمان جيران بإستثناء اختى التى كانت صديقة ونزيلة غرفة واحده معايا ده غير واحده تانيه أسمها إيمان صديقتى وجارتى من زمان

لكن بتمنى يكون ليا أصدقاء جدد مقربين جداّ أكتر من كده وبصراحه أنا بحس بإنى وسط أسرة كلهم شكلهم حلو مبتسمين الأبتسامه لاتفارقهم وإن شاء الله صداقتى بيكم تدوم سواء شئتم ام أبيتم حدوم يعنى حدوم




" بالنسبة للأصدقاء " بعتقد أنى ماليش صديق أقدر اقول عنه انه من المقربين
لكن كأصدقاء غير مقريبن فى مجموعه من أصدقاء العمل

بقضى أكتر وقت ادام الكمبيوتر ويليهم " المراية والمكتب بنفس المده لان المكتب على يمينه مرايه وبصراحه الكمبيوتر جنبه مرايه أنا مالى هى جت كده
مفيش اختيارات تانيه ليه " فين ادام البحر فين ادام أفلام الأبيض والاسود فين وانا برسم
يا سئ سئ فيناتى كتير " يعنى جمع فين " احسن تكون مش فاهم دى كمان " اتعلمو لغوه بأه


بصراحة اللى حيتجوزنى يا عينى عليه جت رجليه
بس انا اوعد زوجى القادم " هو خلاص يعنى فردة كعب على وصول " أنى أطبق عليه المثل القائل " أطلقيه على السطوح لو كان من نصيبك مش حيروح " يعنى حدية برأة كل يوم كام ساعة والاجازات والمواسم والاعياد حعطيه اختيارت ازاى يلحق يحقق كل أحلامة التى لم يتثنى له تحقيقها اثناء وجودى جانبه

((انا يا سئ سئ أفندى
جريئة احيانا لدرجة لدرجة الأستفزاز للغير
ومتهورة أحيانا لدرجة الندم
وخجولة احيانا لدرجة النوم
ومتأنية لدرجة الشلل أحيانا اخرى
يعنى خلطة شيزوفرنيه ))



اجابة دبلوماسية يا ايمى

جه الدور عليا في الاسئله

انا مش حافتري عليكي في الاسئله لانك بجد اتشويتي يعني
الناس هنا مفتريه مابترحمش.... مايصدقو حد يقعد علي كرسي الاعتراف وفين يوجعك

انا مش حاسأل غير 500 سؤال علي دفعات
لو منهم اسأله مكررة ف ده مش عدم تركيز ولا حاجه...ده بس علشان تجمعي درجات بسهوله ::/


- مين قالك علي المنتدي ده ؟؟ وايه اول انطباع عن المنتدي والموضوعات الي فيه ؟؟

- ايه رأيك في فكرة البانر بتاع المنتدي؟؟ ولو حاتعدلي في البانر ده، تغيري ايه ؟؟

- قريت انك مهتمه بالاطفال وكده....
لو ابنك في الحضانه وصاحبه ضربه "فرضا يعني"
رجع يعيطلك تقوليله ايه ؟؟
1- اللي يضربك اضربه
2- اللي يضربك قوله الله يسامحك وماتلعبش معاه تاني

- البحر والنيل ... احساسك ايه تجاه كل منهم
- للالوان انطباعات ... فما هو لونك المفضل ؟؟
- في مقوله بتقول "بالحب لا نعقل.. وبالعقل لا نحب" ما مدي صحه هذه المقوله في نظرك ؟

-"ابدا لم يسلم احد منا من صفعات الزمن، لكن الاقوياء فقط هم الذين امتلكو من الاراده قدرا منعو به ايديهم من تخسس موضع الصفعه فلم يشعر احد بما اصابهم"
احكيلنا واحده من صفعات الزمن الي استفدتي منها كتير

- ماهي حكمتك المفضله ؟؟

- ايه رأيك في "طيباس" بتاع الفطير الي في كامب شيزار علي الترام ؟؟

- احكيلنا موقف كل ماتفتكريه تضحكي ، وموقف كل ماتفتكريه تعاتبي نفسك علي تصرفك

- لو انتي رئيسه الجمهوريه لمده يوم واحد ايه اول قرارات حاتاخديها ؟؟

- تفتكري انا "لارنو" انفع اكون رئيسه الجمهوريه ؟؟؟

- ايه اللغات الاجنبيه الي تعرفيها ورتبيها حسب اجادتك ليها
- ايه من احلامك حققتيه وايه فقدتي الامل في تحقيقه ؟؟
- جوزك بيقول: تسيبي الشغل وتقعدي في البيت و الموضوع غير قابل للنقاش" ايه رأيك ؟؟
- هل تؤمني بالصداقه بين البنت والولد ؟؟ مع التعليل في حاله الرفض او الموافقه

بالنسبة للصديقات " رحاب ونهى وليلى اختى وإنجى " كلنا أصحاب منذ الطفوله

انا مستغرب انك كتبتي اسماء صديقاتك ..
وماكتبتيش الايميلات بتاعتهم ولا نمر تليفوناتهم أو عناوينهم بالمرة ..



الحمدلله انى مش صديقك ..
وإلا كنتى فضحتيني على صفحات ومواقع الشبكة العنكبوتية