القصــــــــــــــــــــــــــــــر

بصراحه ماشاء الله عليكم دماغ عاليه صحيح انا كفايه عليا اقرا حاجي ايه جنكم وجنب الخيال الجامد ده :#~€: ...بجد برافو عليكو

لالالالالالا
ماينفعش تعدي كده حاف
محدش فينا نجيب محفوظ
كلنا اكتشفنا نفسنا واحنا بنكتب
ادخلي برجلك اليمين وسمي كده وابتدي
واحنا ناخد منك الخيط ونلضم الفتلة

أوسكا بجد مش عارفة أقول إيه

شطووووووووووووور جدا
برافو عليك

متطولش بقى
يا رب الولادة الجاية تكون سهلة :#~€:

لازم فريدة بصراحة تعزمكم علي فنجان كابتشينو في الجزيرة

لو ممكن يا فري انا كنت عايزة سحلب بدل الكابتشينو :#~€:

لارنو تجرى مسرعه: هشام فرىىىىىىىىىىىى مصريه خلاص مفيش بركان
هشام: عرفتى منين يا ام الفهم
لارنو: سمارت و اوسكا قالولى
هشام: و سمارت و اوسكا يقولوا بأماره ايه ...من امتى دول كبيرهم بانر يزاولونا فيه ..ايش فهمه فى الجيولوجيا و الارضيات
لارنو: كاباكا قالهم ان مفيش منه خطر
د.رجب: اهلاااااااااااااااااااااااا
هشام: يا صلاه النبى كاباكا اللى قالهم ..هو محدش بلغهم انه طلع حرامى و قرصاان و هرب و سابنا فى المخروبه دى و مش فارق معاه ان شا الله توّلع بينا
فى هذه الاثناء
دفء المشاعر تمر و هى تحمل صندوق كبييييييييييييير
هشام: قال كاباكا قال أيش فه و يقطع كلامه متسائلا مين دى و ايه اللى ماسكاه فى ايديها
فريده : مش عارفه مشفتهاش قبل كده ..يمكن حد من اللى كانوا فى السفينه الغرقانه
أنيد: لااااااا..دى دفء صاحبتى ..معانا من زمان بس هى هاديه و محدش بيحس بيها
ياتى اوسكا و سمارت
هشام: اهلا بالباش مهندسين ..ايه يا ولاد التحليل بتاع البركان ده ..ايه الروعه دى ايه الفهم و الالمعيه دى ..تتحسدوا و الله انا محظوظ بمعرفتكم يا شباب.......كابابكا ..روحّوا منكم لله
اوسكا: يا عم متقلق..... ثم يتابع دفء بعينيه ..مين دى ان شاء الله
هشام: صاحبه أنيد
أوسكا: و ماله مش سرايه بابى الباشا ..اعزمى اللى انتى عايزاه يا انيد..اهو تستجم معانا
أنيد: الله و انت مالك هى حتقعد فوق دماغك يا اوسكا ..الجزيره كبيره :xgfd:
سمارت: يزغده صحيح يا اوسكا ايه قله الذوق دى ..اهلا بيكى يا دفء
دفء المشاعر: أهلا بيك
أوسكا: لو مفيهاش سأله ايه اللى فى ايدك ده
دفء: دول سلاحيفىىىىىىىىىىىىىى


أوسكا : اهلا اهلا و دول جم معاكى من غير جمارك زى الكاسيت بتاع زوهيرى كده
دفء لا انا جبتهم من هنا عشان يبقوا شبه بتوعى ..اصلهم وحشونىىىىىىىىىىىىى اوى
دولفين: متشوفيش وحش يا اختى ..و ايه اللى على رقبتهم ده ..ده ورقه شجر مكتوب لكل واحده اسمها عشان ميتوهوش من بعض و نفسيتهم متتعبش
فريده: يااى ..بجد انتى رقيقه اوى و سلاحيفك حلوه مووووووووووت
أوسكا : يا عينى و الله فكره كل عضو يكتب اسمه على صدره كمان زياده فى التعارف..الترللى زادوا نفر ..رحمتك يا رب
أنيد تهمس: الله يخليك يا اوسكا دفء حساسه جدا من نحيه السلاحف دول و دى ضيفه لو سمحت متزعلهاش
أوسكا: حاضر ملقوش عيش ياكلوه جابوه سلحفه يربوها ..أسكت يا خشمى
دفء : فى رقه بعد اذنك يا اوسكا ممكن تحمى السلاحف و تزغزغهم فى رجليهم عشان بيحبوا الحركه دى جــــدا ..لحد بس ما اجيبلهم أكل
أوسكا: و ماله يا اختى ..احميهم و ازغزغهم ..اللى خلانى زغزغت كابابكا مش حأعرف ازغزغ سلاحف
سمارت: و الله و بقيت داده للسلاحف على اخرالزمن يا برنس
أوسكا: انت تسكت روح يا شيخ يا رب تتكعبل فى واحد لا دينى يأكل ودنك
حأروح أحمّى السلاحف ....العوّاف عليكم

تذهب دفء لتبحث عن طعام للسلاحف.

مصرية: هي دفء جابت السلاحف دي منين؟
أنيد: معرفش ليه؟
مصرية: أصلي بفكر في حاجة كده بس خايفة دفء تزعل
مواضيع: قولي طيب خلينا نشوف جايز متزعلش
مصرية: هو مش فيه شوربة سلاحف؟
فريدة: أيوة أظن كده
مصرية: بس هي دي الفكرة
سمارت: وحتعمليها إزاي دي يا فالحة؟
مصرية: ولا حاجة زي الحلزونات
سيسامي: بس معندناش ملح
لارنو: بسيطة، عندنا بحر نعمل زي الملاحات
مشاعر:إزاي؟
لارنو: نحط شوية في أي حاجة ونسيب المية تتبخر يفضل الملح، مش بيعملوا كده؟
سمارت: حاجة زي كده
أوسكا: يا سلام شوربة سخنة
جاتي: حرام عليكو يا مفتريين تموتوا السلاحيف

يرى الجميع دفء المشاعر قادمة من بعيد فينظروا لبعضهم البعض.
فانتوماس: حنقول إيه لدفء؟

جاتي: طب مش لازم الشوربه علي سلحفاه من بتوعها يعني، الجزيرة مليانه
مصريه: عندك حق، شوف الي وراك يا اوسكا
وراح أوسكا يحمَي السلاحف
دفء: اوعي تكون الميه ساقعه، بيبردو
اوسكا: لا باستخدم السخان " الرحمه يارب"
دفء: طيب ماتنساش تنظف الصدفه بتاعتهم، وخلي بالك علشان لو ندهت واحده مش باسمها، نفسيتها تتعب وممكن ماتاكلش يومين... انيييد مش انتي قلتيله؟
انيد: ايوة يادفء ياحبيبتي ماتقلقيش، ده بيعاملهم بمنتهي الرقه والحنيه
فري: تعالي يا دفء احكيلي علي السلاحف بتاعتك، اسمهم ايه و عمرهم كام و هواياتهم ايه و بياكلو ايه ، اصل انتي عارفه انا باحب السلاحف جدا من وانا صغيرة، ده انا مرة زمان .......
اوسكا: سمااارت القف احسن انا خلااااص اتخنقت
انا علي اخر الزمن اهشتك سلحفاه و ازغزغ التانيه .... هي الدنيا حصل فيها ايه
سمارت: يانهارك ابيض يا اوسكا
في سلحفاه مالحقتش تدخل دماغها في الصدفه، ووقعت دماغها اتفرتكت و ماتت
اوسكا: احسن ، عقبال الباقي
انيد: واحده ماتت؟؟ اوعو حد يقول لدفء احسن هاتقلبها مناحه
اتش: مناحه ؟؟ علي سلحفاه ؟؟ ياستي نجيبلها مليون اهي الجزيرة مليانه
مصريه: لا طبعا هاتزعل جدا، دي ممكن تنهار
انيد: ماحدش يقولها بقي، سيبوها مشغوله في الي هيا فيه
بعد ساعتين من الرغي مع فري جت دفء تغني
سلاحيفي يا سلاحيفي، وحشتوني يا سلاحيفي
انيد: استر يا رب
دفء: اوسكاااا، انت حطيت السلاحف فين
اوسكا: انا ؟؟؟ انا حميتهم و دفيتهم و اديتهم لسمارت، كان هايموت و يزغزهم
سمارت: انا ؟ لا انا مش هاموت، حد تاني الي هايموت
لارنو: قصدك حد تاني الي مات خلاص :~€¬:
انيد: ناصحه يا ناصحه ~~~
دفء: مات ؟ ياساتر يا رب، مين الي مات ده ؟ مين ؟
لارنو: سلــحفاه ، بس ماتزعليش هشام قال هايجيبلك غيرها مليون
دفء:
لارنو: ماتزعليش نفسك ، قضي اخف من قضي، يعني كنتي هاتبقي مبسوطه وهي دماغه متفرتكه كده و عايشه ؟
دفء: ايه ؟ دماغها متفرتكه ؟؟ ازاي يعني
لارنو: ماهو لما اوسكا حدفففــ
اوسكا: لارنو ، في صرصار ضخم واقف عليكي
لارنو: أةةةةةةةةةةةةة حد يشيله حد يشيله بسرعه
سمارت: سيبوها تتنطط كده شويه، كانت هاتفضحنا البعيده :QQ:
دفء: طب انتو عملتو ايه في السحفاه الي ماتت؟
انيد: دفناها
دفء: فين ؟
ايند: دفناها يا دفء في اي حته، هاتفرق معاكي ايه؟
دفء: لا بجد لازم اعرف دفنتوها فين
اوسكا: دفناها في مقابر السلاحف السكسونيه ، مبسوطه ؟
دفء:لا بجد انتو بتهزرو؟ دي روح انتو فاهمين ؟ دم و لحم
انيد: دم و صدف
سمارت: خلاص انا هاقولك بجد، دفناها مع شهداء أُحد :xgfd:
انيد لاتش: لو مابطلتش الفيلم الي هي عاملاه ده انا هاموتلها واحده كمان
اوسكا: خلاص يا دفء اهي ماتت والي حصل حصل، عمرها كده ، هانعترض علي قضاها
انيد: لمي الدور بقي يا دفء احسن الناس مش لاقيه تاكل ومش هاتعملك مندبه علي السلحفاه يعني
دفء: يعني ايه ؟؟ مش هاتعملو جنازة ؟؟؟
سمارت و اوسكا في نفس واحد: هانعمل بس في الغالب مش للسلحفاه
دفء وهي تبكي بكاء مرير ، طب معلش سؤال اخير
انتو راعيتو انها تكون علي جنبها اليمين وانتو بتدفنوها !!!!

انيد:بس خلاص هي حساسة جدا
سمارت : ايه البلاوي دي :$$:

جاتي : :humer:سمارت

سمارت: ااااي

دفء: سلاخيليفي الصغنينو الكوتنينو


اوسكا: انا حمشي ادور على حاجة ناكلها بدل حرق الاعصاب ده

فانتو : اه جاتني فكرة احنا نسيب دفئ 3 اربع ايام تجوع وهي بنفسها هاتعرض علينا الفكرة ..انيد مش بتقولي بتعرف تطبخ

انيد : ايوه بتعمل اكل يجنن بتألف شوية اكلات خطيييييييييييرة .. بيتزا بطاطس وفاهيتا فراخ وسمك بالبشاميل وكوسة معصجة و .......

سيسامي : بس بس ياشيخة حرام عليكي مش شايفة ريقنا بينقط على الارض

مصرية : فكرولنا في الملح يا جماعه وهايجلنا جفاف كده

اتش : مواضيع تعالي هنا انتي مش اتعلمتي في الكلية التقطير

مواضيع : نعم .. تقطير ..

اتش : ايوة نسيتي السحاحة

مواضيع : سحاحة .. دي كانت في دفعتنا ولا الدفعة اللى قبلنا يا اتش

اتش : في سره ( والكاظمين الغيظ ) مواضيع اعملي معروف ماتفضخيناش قدام اوسكا

مواضيع : افضحكوا ..انت بتتكلم عن ايه

اتش : وهو يجز على اسنانه التقطير .. التقطير يا بنتي ....افهمي بقى

مواضيع : التقطير .. آه أه افتكرت اصلي نسيت القطارة في دولاب خالتي .. اصلها كانت مزكومة شوية ومناخيرها مسدودة فقطرتلها كام نقطة وبعدين جالي تليفون من أياد ابن خالي .. فسبت القطارة وجريت بسرعة على التليفون .. اصله سافر استراليا واشتغل هناك في شركة كبيرة بتبيع حاجات وتشتري حاجات كده يعني وبعدين اشترى شقة بسعر لقطة

سيسامي : بكام يعني

مواضيع : بتراب الفلوس والله ياختي اصل كان واحد عارضها للبيع علشان مهاجر كندا .. المهم مطولش عليكم . الواد اياد بعت لمراته بعد كام شهر أخدها وكده يعني .. اسكوتوا .. مش خلف تاني بعد رنا وهاشم . تخيلوا هاشم كان رايح المدرسة وبعدين

اتش : بس بس بس خلاص .. ارحميني ياشيخة ابوس ايدك يلعن ابو التقطير على القطارة على الفيكس على الزكام على اللي يزعلك

لارنو فجاءة تصرخ وتنط فوق صخرة : الحقوني فيه فار تحت الكرسي



اوسكا يبص لسمارت : انت شايف كرسي

سمارت : عليك حاجات يا اوسكا ما هو الكرسي قدامك ياراااااااااجل
دور عليه تلقاه ياللي عينيك شايفاااااااه وبرضه بدو ر اقولك ايه واعدلك ايه دور علييييييييييه دور

اوسكا يبص بغيظ للارنو : لا لا لاتكذبي اني رايتك علي صخرة
وقد كرهت الادمعي

هشام ينط فجاءة ويصف اتجاهات الفار كانه بيوصف ماتش كورة خصوصا بعد انضمام فار اخر تحت الكرسي

ويقول :شالوا الفار حطوا الفار السحاليف قالوا ما احناش لاعبين

ويبص للارنو وينصحها :نطي نطة يا دبدوبة

لارنو تنط : هه هه هييه

انيد تبص وتجيلها كريزة ضحك من لارنو وهي طايرة في الهوا
وتقولها : وعلشان خاطري يا شيخة نطة كمااااان

مصرية : ابعد يا فار ابعد يا فار ابعد يا فار

مشاعر : مين قالك تسكن في جزيرتنا وتقل راحتنا يا تشوفلك حل في نفيتنا
ياااااااا تعزل وتسيب حتتناااا

سيسامي : قولولوا قولولو قولولو قولولولو قولولو

جاتي تبص للفار وبعدين للسحلية اللي في ايدها : لاموني اللي غاروا مني قالولي وايش عاجبك فيها
خذوووا عيني شوفوا بيها

قمر مستنية لارنو اللي وعدتها يتمشوا سوا سوا: انا في انتظارك مليييييييييييييييييييت

مني مون مش عاجبها تنطيط لارنو : عيني بترف وراسي بتلف وعقلي فاضله دقيقة ويخف

دفء وهي بتزرف الدموع علي السلحفاة : راااااااااااح رااااااااااااح راااااااااااااااح

زوهيري وهو بيبص للفيران : خااااااايف اقول اللي في قلبي تهجم وتعاند وياي

مكسوف ماسك كلينكس خايف الفار يقرب ناحيته :لا انا مش انا اللي ابكي ولا انا اللي ا شكي

مواضيع تبص للارنو وهي بتتنطط وتقول : زي العسل زي العسل زي العسل انتي يا لااااااا رنو زي العسل

ادهم عينه علي الفار ويقول: ابو عيوووون جريييييييييئة

رجب يلمح الغروب ورا لارنو : اقبل الليل

مني كمال تحاول تهدي لارنو : ماماااااااااا زمانها جاية جاية بعد شوية
جايبة لعب وحاجات

مختار مش مجمع من كتر الحيوانات الزاحفة: الفار الفار الفار السحالي السحالي السحالي

الافوكاتو وعينه علي لارنو : اي دمعة حزن لا لالااااا لاااااا

اولد مان متاثر : كنتوا فين واحنا فين جيتوا منين الجزيرة غايبة عنكوا فين

متزعلش : يا اهلاااااااااا بالمعارك

كاباكا يندفع ناحية لارنو ويهجم علي فار : انت انت ولا انتش داري انت انت نعيمي وناري
واللي بحبه برضه انت برضه انت

:lol: :lol: :lol: :lol: :lol: :lol: :lol: :lol: يا تحفه يا انيد ماشي رجعالك

دفء: ايه الازعاج اللي انتم عاملينه ده؟ قاعدين تغنوا ولا هاممكم مش تراعوا ان السلاحف حزينه وعامله حداد علي صحبتهم اللي ماتت مفيش احساس ابدا
أوسكا: تصدقي يا شيخه اننا قلالات الادب فعلا بس منك ليه ليها له راعوا ظروف الزواحف وامهم
دفء: نعم ايه امهم دي كمان حنغلط بقي والا ايه؟ ايه الحكايه يا انيد انتي جبتيي معاكي عشان اتهزأ من صحابك والا ايه مش كفايه موتولي سلحفتي ااااااه يا سلحفتي يانا ياللي ملحقتش افرح بيكي يانا
انيد: معلش يا حبيبتي حق عليا والله كلهم وحشين حضربهم لك واحد واحد ولا دمعه من عنيكي ابدا بس بس متزعليش
أوسكا: يا مثبت العقل والدين يارب ، ويهمس لانيد انتي جبتيها منين دي هي ناقصه حضانه مش كفايه اللي احنا فيه
دفء: حضانه؟ طييييييييييييييييب انت اللي جبته لنفسك شوف مين حيعبركم ويعملكم المم بقي ها
لارنو: لا يا دفء ولا تزعلي نفسك ابدا ده كان بيهزر يا ماما انتي بتصدقي برضو الحاجات دي
هشام: ليكي عليا اروح اجيب لك كل السلاحيف اللي في الجزيره بس انتي ركزي كده ومزمزي في اكله حلوه احسن اخواتك ميتين بقالهم كام اسبوعين
دفء: طيب ظبطوا لي بقي قاعده حلوه ومطبخ شيك عشان اعرف افنن براحتي
سيسامي: مطبخ شيك؟ ازاي يعني مش واخد باللي حضرتك
دفء: كيتشن مشين عشان الفرم، صنيه تيفال عشان الأكل ميلزقش،ورق المونيوم، كيس حلواني عشان تزويق الكيك، خلاط عشان العصير
هشام: انا مش قادر نفسيتس تعبت مالها الحلزونات جميله والا لو نصوم ايه المشكله كله ارحم من الطلبات العجيبه دي
انيد: معلش يا اتش لازم نتعب شويه كله في سبيل المم الجوع كافر يا بني
دف: اللي مش عاجبه يتصرف هو بس انا كده كده مش حاكل العك بتاعكوا حعمل لي حاجه سيمبل واكولها بلا وجع بطن من اكلكوا بقي
هشام: خلاص يا ستي انتي حتزلينا كملي كملي الطلبات
دفء: ده كان بالنسبه للعدد المستخدمه اما المواد المستخدمه الخطه كالاتي:
الولاد يروحوا يصطادوا سمك متوسط الحجم (مش بساريا ها) وجمبري جامبو
فريده وجاتي يضوروا علي اعشاب عطريه نستخدمها بدل من البهارات وابقي اطحنها في الكيتشن بقي وامري لله
انيد و منى يدوروا علي بصل وثوم
لارنو تجيب لي مايه مالحه من البحر اهي تبقي بملحها جاهزه و.... مش عارفه بقي حتلاقوا دقيق والا ايه ؟ عشان اخبز لكم عيش
اوسكا: اللهم صلي علي النبي حتخبزلنا عيش كمان ده ايه الهنا اللي احنا فيه ده ياربي
دفء:مكسوف يروح يظبط فرن كده في السريع جمع فروع شجر وحطهم في فجوه رمليه تبقي زي الفرن البلدي
اما العضير فحيكون كوكتيل موز مع الفاكهه اللي زي المانجو دي حيبقي محصلش
طرزااااااان روح هز الشجره وجيب لنا كام ثمره كده بس كتر منهم عشان العصير وتذويق الكيك والا تحبوا كيك بالفراوله
ومين بقي حيدور علي خس؟؟؟
فريده: اه خس عشان السلطه؟
دفء : لااااااااا عشان غدا السلاحف لو بقي منهم ابقوا كلوه سلطه براحتكم بس لما يشبعوا هما . بلا طفاسه بقي كل الخطط دي وطمعانين في خس السلاحف تكلوه سلطه ايه الوكسه دي

بلا طفاسه بقي كل الخطط دي وطمعانين في خس السلاحف تكلوه سلطه ايه الوكسه دي

ايوة كده وريهم العين الحمرا

مانتي كويسة أهو وبتعرفي تكتبي .. برافو عليكي

برافو جدا جدا جدا

حلو أوي يا دفء

كملي بقى

دفء هااااااااااااايلة يا بنتي

فينك ياريتنا جبنالك من زمان سلحفاة بفيونكة مخصوص علشانك

farida كتب:دفء هااااااااااااايلة يا بنتي

فينك ياريتنا جبنالك من زمان سلحفاة بفيونكة مخصوص علشانك

الــــــــــــــلــــــــه ياختي كميله عسوله قولي السلحوفه دي ميرسي يا فريده
ربنا يخليكوا يا جماعه علي التشجيع الهايل ده بس يعني هو انا حاجي ايه جنبكم

أنيد: طب دلوقتى انا بأحب الخس أعمل ايه ..ماليش دعوه ايه الافترا ده
دفء: اخرسى خالص...يالاااااااااااااا انتشروا هاتولى طلباتى
هشام: ايه ده ..هو انتى حتحضرى عفريت..مكاتش طبخه حتحضريهالنا
سمارت هامسا: دى طلعت أسخم من عمك كاباكا
أوسكا : انا حأجيبلك كل المعدات اللى انتى محتاجاهااااااااااا..و حأخلى قبنورى يعمّلك المطبخ ..ادينى نص ساعه ...أوعى السرييييييييييييييييييع و يختفى أوسكا
دفء: و اننتوا مش حتتشروا بقى ..الجميع يقوم فى تكااااااااسل ..الجمبرى جامبو الصغير حأرجعكم بيه :$$:
دولفين : اه اصلنا رايحين نجيبه من حلقّه السمك ..دى تسااهيل..يمكن منعرفش نجيب حاجه
و يدب النشاط فى الجميع
و بعد ساعتين
أوسكا لاهثا: يالا يا ستى اتفضلى و لا تزعلى نفسك و قبنورى بيقفّل فى الدولايب ..و يرمى مجموعه من الاحجار و القمامه
دفء : ممتعضه أيـــــــــــــــــــــــــــــــــه ده :QQ:
أوسكا : استلمى الأدوات
يمسك قطعتين ضخمتين من الحجاره ..ادى ياستى الكيتشن ماشين بتاع الفرم...الطوبه البنى دى القاعده حطى عليها اللى انتى عايزه..(يلتقط م الارض صرصار و يثبته على الحجره ثم يهوى بالحجره الثانيه فوقه) كده فرمنا الصرصار فيها مشكله ..بسيطه جدا ..قرررررررررب قررررب لا سحر و لاا شعوذه
الجميع فى تأفف : اخىىىىىىىىىىىىىىىىى ايه القرف ده
أوسكا يا جماعه بأديها مثال ..طريقه الاستخدام ..مش كفايه جايبه من غير ضمان ..ده انامقّصر مع الست دى و الله
اللى بعده
خلاط أصلى (و يلتقط من الارض صدفه كبيره بها ثقوب) ..يالا يا ستى عشان تهيّصى..تحبى اجربهالك
سمارت: لاااااااا ابوس رجلك هى فهمت
أنيد: فعلا (تهمس فى اذن دفء) الله يخليكى حيعصر فيها صرصار تانى
دفء(غير مقتنعه) طيب طيب خلاص حأجربهم
أوسكا : كيس الحلاوانى اهووووووووووووووووووووووو..و يخرج صدفه غير مثقوبه و دى الصينيه التيفال و ادى زيت زيتون عشان الاكل ميلزقش..عصّرته زتونه زتونه..عشان تعرفى معّزتك عندى
سيسامى: هايل يا اوسكا جبته منين ده ..ده كأنه لسه جديد
أوسكا : ده فضله خيرك معده أرنب لقيته ..نضفّتها و جبتهاا
هشام: بأقول ايه..متشرحش ..انت كتر خيرك على كده أوى ..هى حتتصرف بيهم
فريده : سيت امبوسيبل ..ازاى البنت المسكينه حتستخدم الادوات الفظيييييييييييعه دى
دولفين: الجيش بيقّول اتصرف يا فرى و الشاطره تغزل برجل حمار..مش كده يا دفء
يركع الخناشير على ركبهم الله يخليكى اتصرفى بطننا نشفت
دفء : تنظر متشككه للادوات طيب حأحاول ..يالا يا بنات ساعدونى
لارنو: دفء بليز انا عايزه بانيه ضرورى
يجرى أوسكا بأتجاه الشاطئ: حاملا القوقعه و يعود بها محمله بالمياه و يلقيها على رأس لارنو
لارنو: ايه ده ميه
أوسكا: بس كده عشان تخرسى خالص هه
دفء : اخص عليك يا اوسكا كده تبرد..معلش يا لارنو اناحأحاول اعملك بانيه وعد
جاتى من بعيد: حنعمل عيييييييييييش ..لقيت قمح
هشام: شاطره يا جاتى و عمك أوسكا جايب مطحنه أخر موديل
دفء: و خس السلاحف فييييييين
هشام: و ان شاء اله البهوات اللى طلّعوا من المركب الغرقاان مش حيساعدونا .....تلات أيام اهو اكلين شاربين نايمين
أوسكا: عندك حق
فى هذه الاثناء
أحد الناجين : هالللللللللللللللللو يا جماعه
سمارت: هاللو يا غالى يا اللى من ريّحه الحبايب..
أوسكا: كنت فين بالمايوه كده ...
الناجى: كنت بأخد شاور ..الجو حّر مووووووووت
أوسكا: الرجوله فى خطر يا جدعاااااااااان و يسقط مغشيا عليه

الي بالمايوة: وااااااو هاتعملو أكل ، انتو بجد هايلييين هايلييين، يعني علي ما اصحي يكون في حاجه تتاكل ؟
دفء: هايلين هايلين ؟ ايه يااسطي المياصه دي، ماتنشف شويه، وبعدين نوم ايه ؟؟ انت تهز طولك تدورلنا علي حاجه نحط الاكل فيها، اطباق و سرافيس يعني، قال هايليييين هايلييييين ... يافرحتي
انيد: اساعدك يا دفء في الاكل؟
دفء: ماشي خليكي انتي معايا و الباقي يروحو يصطادو وماينسوش الجمبري.... الجاممممبوووو، اظن واضح
وذهب الجميع للصيد، الي بيصطاد بخشبه طرفها مسنون، والي عامل ورقه شجر كأنها طبق و بيحاول يصطاد حاجه، والي بيتفرج علي السمك و عامل نفسه بيصطاد، والي بيطفش السمك ، واهي ماشيه
سمارت: ياجماعه حد عرف يصطاد حاجه ؟
مصريه: انا جبت سمكتين و 4 جمبريات
اتش: انا جبت يجي كيلو سمك بس مش عارف امسك ولا جمبرايه
لارنو: انا شفت سمك كتييييير كبييييييير اوي
جاتي: انا اصطدت سمك كبير و جمبري جامبو، انا باقول كل واحد يخلي دفء تطبخله الي اصطاده. :xgfd:
واحد من الناجين: عمو اوسكا، انا خلاص رصيت الحجر، اعمل ايه بعد كده ؟
اوسكا: رصيت الحجر ؟؟ شد بقي
الواحد: اشد ايه ؟
هشام و هو بيضحك: شد ايده علشان تقومه يساعدك في الشغل الي بعد كده
اوسكا: بالظـــبط :xgfd:
دفء: برافو عليكو، جبتو حاجات كويسه ممكن اعملكو منها عشوة ممتازه
جاتي: طب بسرعه بأه احسن الواحد عصافير بطنه صوصوت
اتش: انا عصافير بطني ماتت خلاااص
وتملا المكان روائح مالذ وطاب من المشويات ، جمبري مشوي بالملح ، سمك مشوي بالاعشاب العطريه، سمك في الفرن تحته شرائح من البتاعه الي شبه المانجو ، شوربه راس الجمبري مع بعض القواقع .
دفء: شبااااااااااااب ، اجمع علشان الاكل، وادعولي
تحرك التتار قصدي المجموعه لمكان الاكل و اكلو علي مهلهم خااااالص وماحدش كان مستعجل ولا حد وقف شوك السمك في زورة ولا حد شرق ولا اي حاجه من الي بتحصل للناس المفاجيع المحرومين دول خااالص :-*/+./*-:
ولا اصوات شفط الشوبه ولا قزقزة الجمبري ، اتيكييييت عااااااااالي جدا في الاكل :afro:
فري بقي هي المسكينه الوحيده الي ماقدرتش تاكل ، مش علشان حاجه لا سمح الله، بس هي ماكانتش جعانه خالص خاااالص
سمارت: يااااااااااه، تسلم ايدك يا دفء، هو في اكل بالطعامه دي
مصريه: يجنن يجنن يا دفء
لارنو: كان حلو وكل حاجه بس كان ناقصه مايونيز و بيبسي
اتش: ماتاخديش في بالك دي بتقولك شكرا بس بالالماني
انيد: ايةةةةةةةةةةةةةةةة، مافيشش تسلم ايدك يا انيد، انا مش كنت باعمل معاها ولا انا كنت واقفه جنبها شمعه
فري: دفء ممكن تعمليلي اكل تاني لوحدي علشان اعرف اكل ؟؟ انا جعانه اوي
دفء: استني لما أأكل سلاحيفي الاول

فري: طيب حطي لهم الخس بتاعهم وافضي لي شويه توبه اقعد معاكم في قاعده اكل تاني ياباي علي الطفاسه بتاعتكم يا باي
دفء: طيب يا حبيبتي انتي تؤمري.
وجابت دفء الصندوق وقعدت ادامه قطعت الخس صغير خالص وحطته علي ورقه شجر كبيره في وسط الصندوق وقعدت السلاحف حواليه وفضلوا السلاحف منتظرين الاكل يجي لحد بقهم و...
دفء: يالا يا تك افتحي بوقك حناكل مم هممممممممممم يا جمل شطوره تك عسلايه بيضا يالا يا توكتوك حتاكلي والا مش ناويه؟
اوسكا: يبص شزرا مش ناويه ليه كفا الله الشر؟
دفء: مش عارفه يا اوسكا بطنها وجعاها كده وكل ما احاول ااكلها ترجع
اوسكا: لا يا شيخه مبروك السلحفه عندها بيضه
لارنو: بجد هييييييييييييييه حيجي لنا سلحوفه نونو
دفء: تفتكروا صحيح؟ طيب يبقي كده لازم نبدا نجهز لحاجات السلحفه النونو نقعدها مع مامتها لوحدها شويه ولما تكبر نرجعها مع بقيت الاسره كده يبقي حنحتاج صندوق جديد و.... تفتكروا نسميها ايه؟ ممممم ايه رايكم فكروا معايا اسم ولد واسم بنوته :~€¬:
اوسكا: ~~~
دفء: ايه مالك يا اوسكا سيب شعرك يا بني هو بقي فيه؟ مالك بس
اوسكا: لا ابدا اصلي نفسي احلق ومفيش حلاق قريب من هنا قلت اتعامل مع نفسي وخلاص
لارنو: نسمي بوسبوس لو بنوته وكتكوت لو ولد
دفء: لا بوسبوس ايه ده اسم قطه انتي عيزاها يجي لها اكتئاب لما تكبر
هشام: نعممممممممممممممممممم اكتئاااااااااب؟
دفء: ايوه تعرف يا اتش ابن عمي عنده بوبي مسميه بوسي البوبي كان عيان ومش بياكل خده عند الدكتور الدكتور قاله لازم طبعا يبقي عيان ويجي له اكتئاب ويقطع الاكل كمان مش مكفيك انك مسميها اسم قطه علاجه انك تغير له الاسم فورا وتفسحه كل يوم
انت فاكر ايه مش بيحسوا يعني زينا؟
هشام: طيب يا جماعه انا حستأذن
انيد: رايح فين يا اتش
هشام: لا ابدا حروح اتمشي جوه البحر شويه :xgfd:
اوسكا وسمارت لحقوه متجه لعرض البحر هشااااااااااااااااام انت رايح فين يا ابني بس وجروا وراه ومسكوه وفجاه انا عايز اروح خلاص مش قاااااااااااااااادر

علمناهم الشحاته

الحقوا الحقوا

دفئ شرخت وبقت صاروخ
وقال ايه .. مابعرفش أجاريكم وهاتابع قراية بس

حابس حابس

تصدقي موضوع الكلب القطه ده انا صدقتك فيه
دي من مميزات الكاتب الناجح يابنتي

كملي كملي
ده انتي طلعتي داهية مسيحة

أوسكا الحلقه الجايه بتاعتك امتى ....و لا انت بتكتب كل سنه مره

اخجلتم تواضعي

يا استاذه احنا خلاص هانعتزل الكتابه
:#~€:

مشاعر: فريدة، مالك يا حبيبتي بتعيطي عليه؟
فريدة: عصافير بطني بتصوصو ومحش سائل فيا عمالين يتباحثوا في إسم المولود وسايبني أموت من الجووووووووووووع
وترتمي فريدة على صدر مشاعر وتجهش بالبكاء.

دفء: معقول، لايا فري متقوليش كده، أنا خلاص أهه أكلت السلاحف وفضيت، تعالي بقى نعمل حاجة ظريفة، عندنا كل الأدوات .

أنيد: فاكرين مش كاباكا كان بيقول في حيوانات الناحية التانية من الجزيرة؟
لارنو: ايوة قال كده
سيسامي: أنا فهمتك يا أنيد، عايزانا نروح نشوف في إيه هناك
أنيد: بالضبط
دولفين: يالله بينا أنا اتحمست
جاتي: يا رب يكون في سحالي
يسمعون فجأة صوت أوسكا وسمارت ياتي من ناحية البحر.

سمارت وأوسكا وهشام يجرون نحو المجموعة: إلحقوا بصوا لاقينا إيه في البحر؟
NTL: إيه ده إزازة؟
أوسكا: أيوة بس في جواها حاجة
فانتوماس: ده زي الفيلم بتاع كيفين كوستنر
لارنو: يا ترى فيها إيه؟

اخيرا لقيت حاجه ارتا ح عليها فى حديقه القصر

ميرسى مصرية على الدعوة بس 9 صفحات فى قصركم المهم ارتاح يا بنتى انا كبرت واشوف ايه حكاية قصركم دام فضلكم